Партызанская брыгада імя П. К. Панамарэнкі (С. Р. Ганзенка)

У паняцця ёсць і іншыя значэнні, гл. Партызанская брыгада імя П. К. Панамарэнкі.

Партызанская брыгада імя П. К. Панамарэнкі — партызанская брыгада, створаная ў снежні 1943 года на базе атрадаў імя Будзённага (арганізаваны ў чэрвені 1942) і імя Панамарэнкі (арганізаваны ў кастрычніку 1943) вылучаных партызанскай брыгадай імя І. В. Сталіна. Дзейнічала на акупіраванай тэрыторыі Дзяржынскага, Мінскага і Івянецкага раёнаў. 6 ліпеня 1944 брыгада (752 партызаны, 6 атрадаў) злучылася з Чырвонай Арміяй.

Партызанская брыгада імя П. К. Панамарэнкі
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Івянецкае партызанскае злучэнне
Тып	партызаны
Функцыя	змаганне з акупантамі
Колькасць	752 партызаны (6 ліпеня 1944)
Дыслакацыя	Дзяржынскі, Мінскі і Івянецкі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	С. Р. Ганзенка

Склад

У склад брыгады ўваходзілі:

• атрад імя Будзённага;
• атрад імя Панамарэнкі;
• атрад імя 25-годдзя БССР;
• атрад імя Цімашэнкі;
• атрад імя Воранава;
• атрад імя Васілеўскага.

Камандаванне

Камандзір

• С. Р. Ганзенка

Камісар

• Г. В. Будай

Начальнік штаба

• У. М. Зыкаў

Гісторыя

У верасні 1943 года атрад імя Будзённага разбіў апорны пункт у вёсцы Чырвоная Горка, на чыгуначным участку Фаніпаль — Койданава падарваў каля 180 рэек. У чэрвені 1944 года партызаны брыгады падарвалі 480 рэек, спалілі эшалон з ваеннай тэхнікай і прадуктамі. Правялі шмат адкрытых і засадных баёў, у тым ліку ў вёсках Путчына і Глушынцы Дзяржынскага раёна. У ліпені 1944 года перарэзалі шлях адступлення разбітым нямецкім войскам у Налібоцкую пушчу, узаемадзейнічалі з падраздзяленнямі 348-й стралковай дывізіі Чырвонай Арміі.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.