Партызанская група «Бывалыя»

Партызанская група «Бывалыя» (спецгрупа НКДБ) — савецкае партызанскае падраздзяленне, якое дзейнічала на акупіраванай тэрыторыі Чашніцкага, Смалявіцкага, Барысаўскага, Лагойскага раёнаў у 1942 годзе. Камандзір — Пётр Рыгоравіч Лапацін.

Партызанская група «Бывалыя»
Гады існавання	1942
Краіна	СССР  Беларуская ССР
Падпарадкаванне	НКДБ СССР
Тып	Спецгрупа НКДБ СССР
Функцыя	змаганне з Нямецкай акупацыйнай адміністрацыяй
Колькасць	21 чалавек (28.03.1942)
Дыслакацыя	Чашніцкі, Смалявіцкі, Барысаўскі, Лагойскі раёны
Войны	Другая сусветная вайна Вялікая Айчынная вайна
Камандзіры
Вядомыя камандзіры	Пётр Рыгоравіч Лапацін

Гісторыя

28 сакавіка 1942 года група (21 чалавек) была перапраўлена ў нямецкі тыл. У маі 1942 года пераўтворана ў атрад «Дзядзькі Колі», у жніўні 1942 на базе атрадаў «Дзядзькі Колі» (пазней імя Дзяржынскага), імя Сталіна, імя Чапаева, «Бура», «За Айчыну» і дыверсійнай групы Г. Р. Каўзановіча створана партызанская брыгада «Дзядзькі Колі». Камандзіру групы, атрада і брыгады Лапаціну прысвоена званне Героя Савецкага Саюза.

Літаратура

• Партызанская група «Бывалыя» // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 452. — 680 с. — 20 000 экз. — ISBN 5-85700-012-2.