Партызанская дубінка

«Партызанская дубінка» — сатырычны лісток, выданне ЦК КП(б)Б у Вялікую Айчынную вайну. Выходзіла з 22 сакавіка 1942 года да сакавіка 1943 года на беларускай і рускай мовах у прыфрантавой паласе (апошнія нумары — у Маскве); да лістапада 1942 года выданне газеты «За свабодную Беларусь». Рэдактар І. Д. Гурскі.

«Партызанская дубiнка» № 15/16 ад 7 лістапада 1942

«Партызанская дубінка»
Тып	перыядычнае выданне[d] і satirical newspaper[d]
Краіна	Беларуская ССР
Галоўны рэдактар	Ілья Данілавіч Гурскі
Заснавана	22 сакавіка 1942
Спыненне публікацый	сакавік 1943
Палітычная прыналежнасць	Цэнтральны камітэт КПБ
Мова	беларуская і руская

Лісток заклікаў савецкіх людзей да барацьбы з ворагам, змяшчаў сатырычныя вершы, байкі, памфлеты, карыкатуры. Сярод удзельнікаў выдання беларускія пісьменнікі П. Броўка, П. Глебка, К. Крапіва, П. Панчанка, К. Чорны і інш., мастакі І. Ахрэмчык, Я. Зайцаў, У. Мінаеў і інш. Выйшла 17 нумароў.

Літаратура

• «Партызанская дубінка» // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).