Пацавіцкі сельсавет

Пацаві́цкі сельсавет — былая адміністрацыйна-тэрытарыяльная адзінка ў складзе Мастоўскага раёна Гродзенскай вобласці. Цэнтр — аграгарадок Пацавічы.

Пацавіцкі сельсавет
Краіна	Беларусь
Уваходзіць у	Мастоўскі раён
Уключае	13 населеных пунктаў
Адміністрацыйны цэнтр	Пацавічы
Дата ўтварэння	12 кастрычніка 1940
Дата скасавання	28 жніўня 2013
Насельніцтва (2009)	1 741
Плошча	101,52 км²
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года як Самуйлавіцкі сельсавет у складзе Мастоўскага раёна Баранавіцкай вобласці БССР. Цэнтр — вёска Ніжнія Самуйлавічы. З 20 верасня 1944 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Рагозніцкага сельсавета^[1]. 25 лютага 1961 года цэнтр сельсавета перанесены ў вёску Пацавічы, сельсавет перайменаваны ў Пацавіцкі^[2]. З 25 снежня 1962 года па 6 студзеня 1965 года ў складзе Ваўкавыскага раёна. 28 жніўня 2013 года скасаваны, тэрыторыя далучана да Пескаўскага сельсавета^[3].

Насельніцтва сельсавета паводле перапісу 2009 года складала 1741 чалавек^[4], з іх 48,5 % — беларусы, 46,0 % — палякі, 4,5 % — рускія^[5].

На момант скасавання ў склад сельсавета ўваходзілі 13 населеных пунктаў: аграгарадкі Вялікая Рагозніца і Пацавічы, вёскі Боркі, Войдзевічы, Забалацце, Лаўры, Ліхінічы, Логнавічы, Лявонавічы, Малая Рагозніца, Парфенавічы, Самуйлавічы Горныя, Самуйлавічы Дольныя.