Пачынак

Пачынак (руск.: Починок) — горад (з 1926 года) у Расіі, адміністрацыйны цэнтр Пачынкаўскага раёна Смаленскай вобласці. Насельніцтва 9,18 тыс. чалавек (2007). Заснаваны ў 1868 годзе.

Горад
Пачынак
руск.: Починок
54°24′ пн. ш. 32°27′ у. д.HGЯO
Краіна	Расія
Рэгіён	Смаленская вобласць
Гісторыя і геаграфія
Першае згадванне	1868
Горад з	1926
Вышыня цэнтра	205 м
Часавы пояс	UTC+03:00
Насельніцтва
Насельніцтва	▼7 351 чал. (2024)[1]
Лічбавыя ідэнтыфікатары
Тэлефонны код	48149
Паштовы індэкс	216450
Паказаць/схаваць карты
Пачынак Пачынак

Горад размешчаны на правым беразе ракі Хмара (басейн Дняпра), за 62 км ад Смаленска. Лёгкая і харчовая прамысловасць, вытворчасць будматэрыялаў.

Гісторыя

Упершыню згадваецца ў 1811 годзе як невялікая вёска. У 1868 годзе адкрыты пастаянны рух па чыгунцы Віцебск — Рослаўль, на якой пабудавана станцыя «Пачынак». Неўзабаве пасёлак стаў транзітна-перавалачным пунктам аптовага гандлю хлебам, пянькой, лесам, ільном. У 1876 злучаны тэлеграфам з Ельняй. Галоўную вуліцу актыўна забудоўвалі мясцовыя купцы.

Савецкая ўлада ў горадзе ўсталявана ў канцы кастрычніка — пачатку лістапада 1917 года. У сакавіку 1918 года ў горадзе ўспыхнуў мяцеж, падаўлены атрадам РСЧА, які прыбыў са Смаленска. Валасны цэнтр Ель­нінскага павета, 1 студзеня 1919 года згодна з пастановай І з’езда КП(б) Беларусі ён увайшоў у склад Беларускай ССР, аднак 16 студзеня горад разам з іншымі тэрыторыямі Смаленскай губерні быў перададзены ў склад РСФСР. У 1924 годзе, нягледзячы на перавагу беларускага насельніцтва, Пачынак не вярнулі БССР^[2].

З 1926 горад, раённы цэнтр Ро­слаўскай акругі Заходняй вобласці (з 1929), Смален­скай вобласці (з 1937).

З 17 ліпеня 1941 па 23 жніўня 1943 года акупаваны германскімі войскамі, у го­радзе дзейнічала падполле.

Насельніцтва

Год Колькасць 1931 1 300 [3] 1939 3 182 [4] 1959 7 688 [5] 1970 9 632 [6] 1979 10 887 [7] 1989 10 753 [8] 1992 10 700 [3] 1996 11 100 [3] Год Колькасць 1998 10 800 [3] 2000 10 600 [3] 2001 10 500 [3] 2002 9 578 [9] 2003 9 600 [3] 2005 9 500 [3] 2006 9 300 [3] 2007 9 200 [3] Год Колькасць 2008 9 100 [10] 2009 9 012 [11] 2010 9 000 [3] 2011 8 800 [3] 2012 8 699 [12] 2013 8 697 [13] 2014 8 675 [14] 2015 8 684 [15] Год Колькасць 2016 8 641 [16] 2017 8 688 [17] 2018 8 545 [18] 2019 8 332 [19] 2020 8 269 [20] 2021 7 575 [21] 2024 7 351 [1]

Славутасці

• Дом купца С. Эпштэйна (кан. XIX — пач. XX ст.), першы двухпавярховы будынак Пачынка.
• Брацкая магіла падпольшчыкаў і Курган памяці.
• Парк імя Героя Савецкага Саюза лётчыка М. Гастэла і памятны знак у яго гонар.
• Царква Дабравешчання Прасвятой Багародзіцы (1990-99).

Вядомыя асобы

• Ірына Аляксандраўна Масляніцына (нар. 1965), беларуская пісьменніца, журналіст.