Паштовая станцыя (Крычаў)

Паштовая станцыя — будынак у Крычаве, размешчаны па адрасе вул. Ленінская, 76. Помнік грамадзянскай архітэктуры сярэдзіны XIX ст. у стылі неаготыкі. Абслугоўвала дарогу Варшава — Брэст — Масква.

Славутасць
Паштовая станцыя
53°41′15″ пн. ш. 31°42′28″ у. д.HGЯO
Краіна	Беларусь
Горад	Крычаў
Архітэктурны стыль	неаготыка
Дата пабудовы	сярэдзіна XIX стагоддзя
Статус	Гісторыка-культурная каштоўнасць Беларусі, шыфр 513Г000480шыфр 513Г000480
Медыяфайлы на Вікісховішчы

Станцыя — комплекс будынкаў, размешчаных вакол прамавугольнага ў плане панадворку. Галоўны будынак мураваны, прамавугольны ў плане, аднапавярховы, з дваровай і пазнейшай тарцовай прыбудовамі. Павернуты галоўным фасадам да дарогі, яго цэнтральная частка і вуглы вылучаныя пілястрамі з гатычнымі арачнымі нішамі. Прамавугольныя вокны ў ліштвах з прафіляванымі сандрыкамі ў выглядзе стральчатых арак. Планіроўка будынку сіметрычная. Сцены памяшканняў апяразаныя прафіляванымі карнізамі.

У будынках станцыі размешчана база дарожна-эксплуатацыйнай службы.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 513Г000480

• На Вікісховішчы ёсць медыяфайлы па тэме Паштовая станцыя (Крычаў)
• Паштовая станцыя (Крычаў) на сайце Radzima.org
• Паштовая станцыя (Крычаў) на сайце Глобус Беларусі (руск.)