Паўднёвы Конус

Паўднёвы конус (ісп.: Cono Sur, парт.: Cone Sul) — паўднёвая частка Паўднёвай Амерыкі, формай нагадвае перавернуты конус, размяшчаецца пад тропікам Казярога. Уключае ў сябе Аргенціну, Чылі, Уругвай, часам Парагвай і поўдзень Бразіліі. Абмежаваны з поўначы Перу, Балівіяй і паўночнымі штатамі Бразіліі, з захаду Ціхім акіянам, з усходу Атлантычным акіянам.

Шчыльнасць насельніцтва Паўднёвага конуса паводле асноўных адміністрацыйных адзінак (чал./км²)

Найбольш значныя геаграфічныя аб'екты рэгіёна — Анды, раўніны Пампа і Гран-Чака, Патагонскае плато. Асноўныя рэкі — Рыа-дэ-ла-Плата, Парана, Парагвай, Уругвай, Бермеха.