Паўлавіцкі сельсавет (Кіраўскі раён)

Па́ўлавіцкі сельсавет — адміністрацыйна-тэрытарыяльная адзінка ў складзе Кіраўскага раёна Магілёўскай вобласці Беларусі. Цэнтр — аграгарадок (да 2009 года вёска) Паўлавічы.

Паўлавіцкі сельсавет
Краіна	Беларусь
Уваходзіць у	Кіраўскі раён
Уключае	20 населеных пунктаў
Адміністрацыйны цэнтр	Паўлавічы
Дата ўтварэння	20 жніўня 1924
Насельніцтва (2019)	1 114
Часавы пояс	UTC+03:00
Код аўтам. нумароў	6

У паняцця ёсць і іншыя значэнні, гл. Паўлавіцкі сельсавет.

Утвораны 20 жніўня 1924 года ў складзе Бабруйскага 2-га раёна Бабруйскай акругі БССР. З 4 жніўня 1927 года ў складзе Бабруйскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Бабруйскім раёне БССР. З 12 лютага 1935 года ў складзе Кіраўскага раёна, з 20 лютага 1938 года — Магілёўскай вобласці, з 20 верасня 1944 года — Бабруйскай вобласці, з 8 студзеня 1954 года — Магілёўскай вобласці. 8 ліпеня 1960 года ў склад сельсавета з Добасненскага сельсавета перададзены вёскі Лешчанка і Падлешчанка^[1]. На 1 студзеня 1974 года ў складзе сельсавета было 19 населеных пунктаў^[2]. 22 сакавіка 2013 года на тэрыторыі сельсавета ўтвораны хутар Таццянін^[3].

Насельніцтва сельсавета паводле перапісу 2009 года — 1345 чалавек^[4], з іх 86,0 % — беларусы, 12,0 % — рускія, 0,9 % — украінцы^[5]; паводле перапісу 2019 года — 1114 чалавек^[6].

Зноскі

1. Рашэнне выканкома Магілёўскага абласнога Савета дэпутатаў працоўных ад 8 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 20.
2. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 175. — 248 с. — 10 000 экз.
3. Решение Кировского районного Совета депутатов от 22 марта 2013 г. № 26-8 Об образовании населенных пунктов
4. Насельніцтва населеных пунктаў Магілёўскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Насельніцтва населеных пунктаў Магілёўскай вобласці Беларусі паводле перапісу 2019 года