Паўночна-Муйскі хрыбет

Паўночна-Муйскі хрыбет — горны хрыбет у Забайкаллі, размяшчаецца на тэрыторыі Муйскага і Паўночна-Байкальскага раёнаў Бураціі. Падзяляе Верхнеангарскую і Муйскую катлавіны. Даўжыня 350 км, вышыня да 2537 м уваходзіць у склад Станавога нагор’я.

Від на хрыбет з Таксіма

Паўночна-Муйскі хрыбет?
56°16′ пн. ш. 113°15′ у. д.HGЯO
Краіна	Расія
Даўжыня	350 км
Вышыня	2537 м
Медыяфайлы на Вікісховішчы

Уваходзіць у склад сейсмаактыўнай Байкальскай рыфтавай зоны^[1], пры гэтым найбольш сейсмаактыўнага яе раёна^[2].

Складзены гранітамі, крышталічнымі сланцамі. Вяршыні і грабяні хрыбта валодаюць рэзкімі ледавіковымі формамі, па перыферыі — пляскатавяршынавыя гальцы. Схілы пакрытыя лістоўнічнымі лясамі, вышэй 1300—1500 м знаходзіцца пояс рэдкалесся і зараснікі кедравага сланіка, яшчэ вышэй — горная тундра. У паўднёвай частцы хрыбет перасякае Байкала-Амурская магістраль, гл. Паўночнамуйскі тунэль.