Пеніцыл

Пеніцы́л (Penicillium) — род недасканалых грыбоў сямейства Trichocomaceae.

Пеніцыл
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Eurotiomycetes Падклас:  Eurotiomycetidae Парадак:  Эўрацыяльныя Сямейства:  Trichocomaceae Род:  Пеніцыл
Міжнародная навуковая назва
Penicillium Link, 1809
Тыпавы від
Penicillium crustaceum (L.) Link, 1809
Сістэматыка на Віківідах Выявы на Вікісховішчы NCBI   5073 EOL   16374 MB   9257

Каля 250 відаў. Пашыраны ўсюды, большасць ва ўмеранай зоне. Сапратрофы і паразіты. Выклікаюць псаванне прадуктаў, разам з іншымі грыбамі ўтвараюць плесені на глебавых і іншых субстратах.

Міцэлій шматклетачны, галінасты, бясколерны, апушчаны ў субстрат ці ўтварае на яго паверхні калоніі шэра-эеленавата-блакітнага колеру. Канідыяносцы разгалінаваныя, у выглядзе простых або складаных гроначак. Канідыі аднаклетачныя, рознай формы і афарбоўкі.

Прадуцэнты антыбіётыкаў, ферментаў і арганічных кіслот. Для атрымання пеніцылінаў выкарыстоўваюць пеніцыл залацісты і адзначаны, у сыраварэнні — Penicillium camamberti і Penicillium саseicolum.

Літаратура

• Бельская С. Пеніцыл // БЭ ў 18 т. Т. 12. Мн., 2001.