Бітва на Эне (1914)

У паняцця ёсць і іншыя значэнні, гл. Бітва на Эне.

Бі́тва на Э́не (13 — 15 верасня 1914) — бітва паміж англа-французскімі і нямецкімі войскамі на рацэ Эне, на Заходнім фронце Першай сусветнай вайны.

Бітва на Эне
Асноўны канфлікт: Першая сусветная вайна
Карта «бега да мора» з датамі асноўных сутыкненняў
Дата	13 — 15 верасня 1914 года
Месца	Францыя
Вынік	Нічыя
Праціўнікі
Германская імперыя  Францыя  Вялікабрытанія
Камандуючыя
Эрых фон Фалькенгайн Аляксандр фон Клюк Карл фон Бюлаў Ёзас фон Хеерынг Жазэф Жофр Джон Фрэнч
Сілы бакоў
1-я армія 2-я армія 7-я армія 5-я армія 6-я армія Брытанскі экспедыцыйны корпус
Страты
невядома 250 000 забітых і параненых
Медыяфайлы на Вікісховішчы

Ход падзей

Пасля бітвы на Марне немцы адышлі на поўнач і 12 верасня занялі абарону па рэках Эна і Вель. Французскія і брытанская арміі выйшлі на гэтую мяжу 13 верасня і пачалі атакі. Разгарэлася кровапралітная бітва, жорсткія лабавыя сутыкненні працягваліся да 15 верасня, аднак усё скончылася безвынікова. У ротах германскай гвардыі засталося па 50 чалавек замест 300, а ў некаторых палках практычна не засталося афіцэраў. Тылы ў немцаў былі зусім разлажаныя, паўсталі вялікія цяжкасці з забеспячэннем і боепрыпасамі. Становішча армій саюзнікаў мала чым адрознівалася ад становішча германскіх армій.

Абодва бакі канчаткова выдыхнуліся, сталі закопвацца ў зямлю і перайшлі да пазіцыйнай абароны. Бітва на Эне пазначыла пераход да пазіцыйных баявых дзеянняў у ходзе Першай сусветнай вайны.

Літаратура

• История Первой мировой войны 1914—1918 гг. / под редакцией И. И. Ростунова. — в 2-х томах. — М.: Наука, 1975. — 25 500 экз.
• Зайончковский А.М. Первая мировая война. — СПб.: Полигон, 2000. — 878 с. — ISBN 5-89173-082-0.
• Бэзил Лиддел Гарт. 1914. Правда о Первой мировой. — М.: Эксмо, 2009. — 480 с. — 4 300 экз. — ISBN 978-5-699-36036-9.