Петраніла Арагонская

Петраніла Арагонская (29 чэрвеня 1136 — 15 кастрычніка 1173) — каралева Арагона з 1157 па 1164 гады, дачка арагонскага караля Раміра II і яго жонкі Агнесы Аквітанскай. Адраклася ад усіх тытулаў на карысць свайго сына Альфонса ў 1164 годзе.

Петраніла Арагонская
каралева Арагона 1137 — 1164
Папярэднік	Раміра II Манах
Пераемнік	Альфонса II Цнатлівы
Нараджэнне	29 чэрвеня 1136[1] Уэска, Каралеўства Арагон
Смерць	15 кастрычніка 1174 (38 гадоў) ці 17 кастрычніка 1174(1174-10-17)[2] (38 гадоў) Барселона, княства Каталонія[d]
Месца пахавання	Сабор Святога Крыжа і Святой Еўлаліі
Род	Хіменесы і Арагонская дынастыя[d]
Бацька	Раміра II Манах
Маці	Агнеса Аквітанская[d]
Муж	Рамон Берэнгер IV[d][3]
Дзеці	Дульса Арагонская[d], Альфонса II Цнатлівы, Peter of Barcelona[d], Sancho, Count of Provence[d][4] і Ramon Berenguer III, Count of Provence[d][4]
Веравызнанне	хрысціянства
Аўтограф
Медыяфайлы на Вікісховішчы

Біяграфія

Альфонса I Ваяўнік памёр 7 верасня 1134, не пакінуўшы спадчынніка, пасля паражэння ад Альмаравідаў у бітве пад Фрагай. Хоць па завяшчанні каралеўства павінны былі атрымаць у спадчыну ваенна-рэлігійныя ордэны іаанітаў і тампліераў, яго брат Раміра, біскуп Барбастра, быў абраны дваранамі каралём Арагона.

Раміра II па мянушцы Манах ажаніўся ў 1135 з Агнесай дэ Пуату. Ад гэтага шлюбу 26 чэрвеня 1136 нарадзілася дачка Петраніла. Спачатку Раміра II жадаў выдаць яе замуж за Санча, спадчынніка караля Кастыліі, і заключыў з ім дагавор. Паводле Гэтага дагавора Раміра захоўваў сюзерэнітэт над каралеўствам Сарагоса, у той час як Альфонса VII Кастыльскі ўступаў у кіраванне Арагонам. Мэтай Альфонса было аб'яднанне Леона, Кастыліі і Арагона.

Аднак гэты альянс сустрэў супраціўленне арагонскай знаці і караля Навары Гарсіі IV.

Праз год, 11 жніўня 1137, Раміра II і Рамон Берэнгер IV, граф Барселоны падпісалі шлюбнае пагадненне, паводле якога прынцэса Петраніла станавілася нявестай графа. Раміра II сышоў у манастыр, захаваўшы за сабой, аднак, тытул караля. Яго жонка Агнеса вярнулася ў Аквітанію.

Петраніла адправілася ў Барселону. Яе вяселле з Раймондам-Берэнгарам адбылося ў жніўні 1150, як толькі ёй споўнілася 14 гадоў.

Петраніла і Рамон Берэнгер IV. Партрэт 1634 года з музея Прада.

Пасля смерці мужа ў 1162 Петраніла заставалася на троне два гады. Яна адраклася ад усіх сваіх тытулаў на карысць сына ў ліпені 1164 года. Яна больш не выходзіла замуж і вяла простае сціплае жыццё.

Петраніла Арагонская памерла 15 кастрычніка 1173 года і была пахавана ў кафедральным саборы Барселоны.

Шлюб і дзеці

Адзіным мужам Петранілы быў Рамон Берэнгер IV (граф Барселоны), які быў старэйшы за яе на 20 гадоў. Вяселле прайшло ў жніўні 1150 у Лерыдзе.

Ад гэтага шлюбу нарадзіліся:

• Педра (4 мая 1152 — да 1158)
• Альфонса II (1/25 сакавіка 1157 — 25 красавіка 1195), граф Барселоны, Жэроны і Асоны (Альфонса I) з 1162, кароль Арагона з 1154, граф Праванса (Альфонса I) з 1166—1173
• Раймунд Берэнгер (Педра) (каля 1158 — 5 красавіка 1181), граф Сердані (Педра I) 1162—1168, граф Праванса (Раймунд Берэнгер III) з 1173
• Дульса (каля 1160 — 1 верасня 1198); муж: з каля 1175 Саншу I Засяляльнік (11 лістапада 1154 — 26 сакавіка 1212), кароль Партугаліі з 1185
• Санча (каля 1161—1226), граф Сердані з 1168, граф Праванса 1181—1185, граф Русільёна з 1185

Зноскі

1. Jaume Sobrequés i Callicó, Mercè Morales i Montoya Comtes, reis, comtesses i reines de Catalunya — Editorial Base, 2011. — ISBN 978-84-15267-24-9

   <a href='https://wikidata.org/wiki/Track:Q85911317'></a><a href='https://wikidata.org/wiki/Track:Q17478005'></a><a href='https://wikidata.org/wiki/Track:Q11927366'></a><a href='https://wikidata.org/wiki/Track:Q85911244'></a>
2. Find a Grave — 1996. Праверана 29 жніўня 2019.

   <a href='https://wikidata.org/wiki/Track:Q63056'></a>
3. (unspecified title) Праверана 7 жніўня 2020.
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>