Боркаўскі сельсавет

Бо́ркаўскі сельсавет — былая адміністрацыйна-тэрытарыяльная адзінка ў складзе Бярозаўскага раёна Брэсцкай вобласці Беларусі. Цэнтр — аграгарадок Боркі.

Боркаўскі сельсавет
Краіна	Беларусь
Уваходзіць у	Бярозаўскі раён
Уключае	7 населеных пунктаў
Адміністрацыйны цэнтр	Боркі
Дата ўтварэння	12 кастрычніка 1940
Дата скасавання	17 верасня 2013
Насельніцтва (2009)	780
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года як Пешкаўскі сельсавет у складзе Бярозаўскага раёна Брэсцкай вобласці БССР. Цэнтр — вёска Пешкі. 16 ліпеня 1954 года сельсавет перайменаваны ў Боркаўскі, цэнтр перанесены ў вёску Боркі^[1]. На 1 студзеня 1974 года ў складзе сельсавета было 7 населеных пунктаў^[2]. 17 верасня 2013 года скасаваны, тэрыторыя далучана да Сігневіцкага сельсавета^[3].

Насельніцтва сельсавета паводле перапісу 2009 года — 780 чалавек^[4], з іх 88,2 % — беларусы, 5,8 % — украінцы, 4,5 % — рускія^[5].

На момант скасавання ў склад сельсавета ўваходзілі 7 населеных пунктаў: Боркі, Вялікія Лясковічы, Кашалёва, Малыя Лясковічы, Міхалкі, Пешкі, Чарнякава.