Побалаўскі сельсавет

По́балаўскі сельсавет — адміністрацыйна-тэрытарыяльная адзінка ў складзе Рагачоўскага раёна Гомельскай вобласці Беларусі. Цэнтр — аграгарадок (да 2009 года вёска) Побалава.

Побалаўскі сельсавет
Краіна	Беларусь
Уваходзіць у	Рагачоўскі раён
Уключае	15 населеных пунктаў
Адміністрацыйны цэнтр	Побалава
Дата ўтварэння	20 жніўня 1924
Насельніцтва (2019)	1 451
Часавы пояс	UTC+03:00
Код аўтам. нумароў	3

Утвораны 20 жніўня 1924 года ў складзе Рагачоўскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Рагачоўскім раёне БССР. З 20 лютага 1938 года ў складзе Гомельскай вобласці. У 1962—1963 гадах у склад сельсавета з Краснабярэжскага сельсавета Жлобінскага раёна перададзены 7 населеных пунктаў (Антушы, Гарбачоўка, Гарбачоўская Рудня, Красная Слабада, Марусенька, Сенажаткі і Ухватаўка)^[1]. 26 верасня 1968 года ў склад Краснабярэжскага сельсавета Жлобінскага раёна вернуты 3 населеныя пункты (Гарбачоўка, Красная Слабада і Марусенька)^[2]. 21 лютага 2012 года скасавана вёска Цагельня^[3].

Насельніцтва сельсавета паводле перапісу 2009 года (16 населеных пунктаў) — 1809 чалавек^[4], з іх 96,5 % — беларусы, 2,3 % — рускія, 0,5 % — украінцы^[5]; паводле перапісу 2019 года (15 населеных пунктаў) — 1451 чалавек^[6].

Зноскі

1. Рашэнні выканкома Гомельскага абласнога Савета дэпутатаў працоўных ад 26 снежня 1962 г. і выканкома Гомельскага абласнога (сельскага) Савета дэпутатаў працоўных ад 24 студзеня 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 9 (1009).
2. Рашэнне выканкома Гомельскага абласнога Савета дэпутатаў працоўных ад 26 верасня 1968 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1968, № 29 (1223).
3. Решение Рогачевского районного Совета депутатов от 21 февраля 2012 г. № 11 Об упразднении сельских населенных пунктов Рогачевского района
4. Колькасць насельніцтва населеных пунктаў Гомельскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Колькасць насельніцтва населеных пунктаў Гомельскай вобласці Беларусі паводле перапісу 2019 года