Полацкае ляда

По́лацкае ля́да — выдавецкая суполка, заснаваная ў 1991 годзе (ці ў 1992^[1]) Алесем Аркушам. Мае праект «Паэзія новае генэрацыі»^[2].

Выдавала літаратурны альманах «Ксэракс Беларускі». Суполкай выдадзена больш за дваццаць кніг, сярод іх «Зямля Ханаан», «Зваротныя правакацыі» Славаміра Адамовіча, «Развітанне з Танталам», «Выпрабаванне развоем» Алеся Аркуша, «Апошнія вершы Леаніда Галубовіча» Леаніда Галубовіча, «Зімовыя сны» Вінцэся Мудрова^[3], «Водар цела», «Твар Тутанхамона» Юрыя Гумянюка, «Настурцыі» Ганны Брэскай, «Рысасловы» Людкі Сільновай, «Саната Арганата» Ігара Сідарука і іншыя. Выданне кніг затрымлівалася таму, што не хапала сродкаў. З-за гэтага была праблема дробнага тыражнага друку^[4].