Пол Скоўлз

Пол Ааран Скоўлз (англ.: Paul Aaron Scholes; 16 лістапада 1974 года, Солфард, Англія) — англійскі футбаліст, які ўсю сваю кар’еру выступаў за клуб «Манчэстэр Юнайтэд» на пазіцыі цэнтральнага паўабаронцы. Ігрок нацыянальнай зборнай Англіі (1997—2004). Адзін з найлепшых ігракоў свайго пакалення^[4].

Пол Скоўлз
Агульная інфармацыя
Поўнае імя	Пол Аран Скоўлз
Мянушкі	Руды прынц, Руды ніндзя, Скоўлзі
Нарадзіўся	16 лістапада 1974(1974-11-16)[1][2][…] (50 гадоў) Солфард, Солфард[d], Вялікі Манчэстэр, Вялікабрытанія[3]
Грамадзянства	Англія
Рост	168 см
Вага	72 кг
Пазіцыя	цэнтральны паўабаронца
Маладзёжныя клубы
1991—1993 Манчэстэр Юнайтэд
Клубная кар’ера[* 1]
1993—2011 Манчэстэр Юнайтэд 466 (102) 2012—2013 Манчэстэр Юнайтэд 33 (5) 1993—2013 Усяго за кар’еру 499 (107)
Нацыянальная зборная[* 2]
1993 Англія (да 18) 3 (0) 1997—2004 Англія 66 (14)
Трэнерская кар’ера
2015 Солфард Сіці в.а. 2019 Олдэм Атлетык
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

Скоўлз сем гадоў гуляў за зборную Англіі. Ён удзельнічаў у чатырох вялікіх спаборніцтвах — чэмпіянатах свету 1998 і 2002 гадоў, а таксама ў чэмпіянатах Еўропы 2000 і 2004 гадоў. Пасля Еўра-2004 Скоўлз абвясціў аб завяршэнні сваёй кар’еры ў зборнай, матываваўшы гэта жаданнем засяродзіцца на клубнай кар’еры, а акрамя таго, больш часу праводзіць з сям’ёй.

У канцы сезону 2010/11 Пол скончыў сваю спартыўную кар’еру, аднак 8 студзеня 2012 года было абвешчана, што Пол Скоўлз вяртаецца ў «Манчэстэр Юнайтэд» у якасці іграка да завяршэння сезону 2011/12^[5]. Аднак 8 студзеня 2012 года вырашыў застацца ў клубе ў якасці іграка да мая 2013 года^[6].

Кар’ера

Пол Скоўлз пачаў трэніравацца з «Манчэстэр Юнайтэд» у 14 гадоў. Насуперак распаўсюджанаму меркаванню, ён не быў членам моладзевай каманды, якая выйграла ў 1992 годзе Моладзевы кубак Англіі. Зрэшты, у наступным сезоне ён дайшоў са сваёй камандай да фіналу. Прафесійная кар’ера Скоўлза ў «Манчэстэр Юнайтэд» пачалася 23 ліпеня 1993 года, аднак на поле ён упершыню выйшаў толькі ў сезоне 1994/95. Яго дэбют адбыўся 21 верасня 1994 года ў матчы Кубка лігі супраць «Порт Вейл».

Трэнерская кар’ера

У лютым 2019 года стаў галоўным трэнерам клуба «Олдэм Атлетык», за які заўзеў з дзяцінства^[7], аднак ужо ў сакавіку пакінуў пасаду, правёўшы ў якасці трэнера сем матчаў і атрымаўшы адну перамогу.

Асабістае жыццё

Пол Скоўлз жыве ў Олдэме са сваёй сям’ёй — жонкай Клэр і трыма дзецьмі, Ааранам, Алісіяй і Эйдэнам. Многія адзначаюць у характары Скоўлза незвычайную сціпласць і высокую адданасць гульні^[8]. У яго няма асабістага агента, як у большасці футбалістаў, і ўсе перамовы ён вядзе сам. Ён рэдка дае інтэрв’ю і амаль не падпісвае рэкламных кантрактаў.

Дасягненні

Манчэстэр Юнайтэд:

• Чэмпіён Англіі (10): 1996, 1997, 1999, 2000, 2001, 2003, 2007, 2008, 2009, 2011
• Уладальнік Кубка Англіі (3): 1996, 1999, 2004
• Уладальнік Кубка Футбольнай лігі (2): 2009, 2010
• Пераможца Лігі чэмпіёнаў (2): 1999, 2008
• Уладальнік Суперкубка Англіі (5): 1996, 1997, 2003, 2008, 2010
• Уладальнік Міжкантынентальнага кубка: 1999
• Пераможца Клубнага чэмпіянату свету: 2008