Пралом (часопіс)

«Прало́м» — палітычны і літаратурны часопіс Віленскага акруговага камітэта КСМЗБ. Выдаваўся нелегальна ў студзені — лютым 1932 года ў Вільні на беларускай мове. Часопіс рэдагавалі і рыхтавалі да выдання М. Танк і Я. Гарох. Асвятляў палітычнае і сацыяльна-эканамічнае становішча ў Заходняй Беларусі, заклікаў рабочых да рэвалюцыйнай і нацыянальна-вызвольнай барацьбы, змагання ў абарону Таварыства беларускай школы, за школу на роднай мове, адкрыццё бібліятэк-чытальняў, народных дамоў, курсаў для непісьменных. Апублікаваў публіцыстычным артыкулы А. Цвіка, Л. Родзевіча (пад псеўданімам Змагар), вершы і апавяданне М. Танка (пад псеўданімам А. Граніт), верш Я. Гароха і інш. Выйшлі 2 нумары. 3 сакавіка 1932 года выдаваўся легальны «Часопіс для ўсіх».

«Пралом»
Тып	часопіс
Заснавана	студзень 1932
Спыненне публікацый	люты 1932
Палітычная прыналежнасць	Камуністычны саюз моладзі Заходняй Беларусі
Мова	беларуская
Галоўны офіс	Вільня

Літаратура

• П. І. Зялінскі. «Прало́м» // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).