Праскоўя Данілаўна Гарбацэвіч

Праскоўя Данілаўна Гарбацэвіч (10 сакавіка 1919, в. Кальчыцы, Слуцкі раён, Мінская вобласць — 9 кастрычніка 1999) — галоўны ўрач участковай бальніцы, Баранавіцкі раён Брэсцкай вобласці, Герой Сацыялістычнай Працы (1969). Заслужаны ўрач БССР (1960)^[1].

Праскоўя Данілаўна Гарбацэвіч
Дата нараджэння	10 сакавіка 1919(1919-03-10)
Месца нараджэння	Кальчыцы, Грэская воласць[d], Слуцкі павет, Менская губерня, Беларуская ССР, Літоўска-Беларуская Савецкая Сацыялістычная Рэспубліка
Дата смерці	9 кастрычніка 1999(1999-10-09) (80 гадоў)
Грамадзянства	СССР  Беларусь
Род дзейнасці	урач, медыцынскі адміністратар, галоўны ўрач
Альма-матар	Беларускі медыцынскі інстытут (1945)
Узнагароды

У Вікіпедыі ёсць артыкулы пра іншых людзей з прозвішчам Гарбацэвіч.

Біяграфія

Нарадзілася 10 сакавіка 1919 года ў вёсцы Кальчыцы Слуцкага раёна Мінскай вобласці. Беларуска. Пасля заканчэння сярэдняй школы паступіла ў Мінскі медыцынскі інстытут. Закончыла толькі 4 курса, вучобу перапыніла вайна. Вярнулася ў родныя краі.

У ліпені 1943 года была прынятая ў партызанскі атрад імя Кірава брыгады імя Фрунзе, якая дзейнічала на тэрыторыі Слуцкага раёна. У студзені 1944 года была накіравана ў атрад імя Ракасоўскага, дзе ўзначаліла санітарную службу^[1].

Пасля вызвалення Беларусі ў 1944 годзе вярнулася ў свой інстытут, які паспяхова скончыла ў 1945 годзе^[1]. З 1946 года працавала загадчыкам Ляснянскай участковай бальніцы Баранавіцкага раёна Брэсцкай вобласці, а з 1947 года — галоўным урачом Навамышскай бальніцы гэтага ж раёна^[1][2].

Указам Прэзідыума Вярхоўнага Савета СССР ад 4 лютага 1969 года за вялікія заслугі ў галіне аховы здароўя савецкага народа Гарбацэвіч Праскоўі Данілаўне прысвоена званне Героя Сацыялістычнай Працы з уручэннем ордэна Леніна і залатым медалём «Серп і Молат»^[1].

Жыла ў вёсцы Новая Мыш. Памерла 9 кастрычніка 1999 года.

Узнагароджана ордэнам Леніна, Ордэнамі айчыннай вайны I і II ступеняў медалямі. Заслужаны ўрач Беларускай ССР.

Зноскі

1. Горбацевич Прасковья Даниловна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 159. — 737 с.
2. Гарбацэвіч Праскоўя Данілаўна // Памяць: Гіст.-дакум. хроніка Слуцкага р-на і г. Слуцка. У 2 кн. Кн. 2-я. — Мн.: БЕЛТА, 2001. — С. 422.