Праспект Кляцкова (Гродна)
From Wikipedia, the free encyclopedia
Remove ads
Праспект Кляцкова — адна з галоўных магісталей горада Гродна. Названы ў гонар былога сакратара Гродзенскага абкама партыі Героя Сацыялістычнай Працы Л.Г. Кляцкова. Да пачатку 21 стагоддзя называўся Праспектам 40 год Перамогі.
Злучае права- і левабярэжныя бакі горада. Мае паўкруглую форму. Размешчаны ў паўднёва-усходняй частцы горада. Працягласць вуліцы каля 3500 метраў. Пачынаецца ад вуліцы Славінскага да праспекта Касманаўтаў. З’яўляецца часткай гарадскога паўкальца. Пачаў забудоўвацца з 1985 года (тады і атрымаў назву 40 год перамогі) 5-12 павярховымі жылымі дамамі ў левабярэжнай частцы горада. Архітэктурнае аблічча праспекта вызначалася агульным архітэктурна-планіровачным рашэннем мікрараёнаў Прынёманскі і Румлёва, якія прымыкалі да яго з захаду. У сярэдзіне 90 гадоў 20 стагоддзя інтэнсіўна пачаў забудоўвацца мікрараён Вішнявец, які прымыкае да праспекта з паўночна-усходняга боку. У сярэдзіне 2000 працягнуты да праспекта Касманаўтаў, тады ж на ім пачаў хадзіць тралейбус. Каля Нёмана праспект праходзіць праз лясны парк Румлёва. У 1986 годзе праз Нёман пабудаваны самы вялікі мост у горадзе, які мае 8 пралётаў, даўжынёй 357 метраў, шырынёй 24,4 метраў.
Рух па праспекту 4-палосны з радзяляльнай паласой. На ўсёй даўжыні праспекта ходзіць грамадскі транспарт: тралейбус і аўтобус.
Remove ads
Літаратура
- Гродно. Энциклопедический справочник / Белорус. Сов. Энцикл.; Редкол.: И. П. Шамякин (гл.ред.) и др. — Мн.: БелСЭ, 1989. — 438 с., [12] л. ил.: ил.
Спасылкі
На Вікісховішчы ёсць медыяфайлы па тэме Праспект Кляцкова (Гродна)
Wikiwand - on
Seamless Wikipedia browsing. On steroids.
Remove ads