Прывід пяра (саўндтрэк)

«Прывід пяра» (англ.: The Ghost Writer) — саўндтрэк Аляксандра Дэспла да аднайменнага фільма 2010 года.

Прывід пяра
англ.: The Ghost Writer
Саўндтрэк Аляксандра Дэспла
Дата выпуску	23.02.2010[1][2]
Працягласць	42:35[1] або 42:12[2]
Лэйбл	Varèse Sarabande[en][3]
Прафесійныя рэцэнзіі
AllMusic [1] Filmtracks [4] Movie Music UK [5] Movie Wave [6] Rate Your Music [7]

Саўндтрэк быў выпушчаны неўзабаве пасля прэм’еры фільма — 23 лютага 2010 года^[2]. Музыка да фільма атрымала станоўчую ацэнку крытыкаў, а кампазітар Аляксандр Дэспла быў намініраваны на 13 кінематаграфічных узнагарод і ўдастоіўся 7 з іх, у тым ліку прэміі «Сезар» і «Еўрапейскай кінапрэміі»^[8].

Спіс кампазіцый

№	Назва	Працягласць
1.	«The Ghost Writer»	1:41
2.	«Rhinehart Publishing»	0:58
3.	«Travel to the Island»	2:28
4.	«Lang’s Memories»	1:43
5.	«Chase on the Ferry»	2:31
6.	«Suspicion»	2:49
7.	«Investigation»	2:07
8.	«Hidden Documents»	2:09
9.	«The Old Man»	1:17
10.	«In the Woods»	3:40
11.	«Prints»	1:45
12.	«The Predecessor»	2:28
13.	«Pr Paul Emmett»	5:39
14.	«Bicycle Ride»	1:52
15.	«Lang and the CIA»	2:21
16.	«The Truth About Ruth»	4:55
17.	«The Ghost Writer (Reprise)»	1:49
42:12

Гісторыя стварэння

Адной з асноўных складанасцяў пры стварэнні саўндтрэка да «Прывіда пяра» была адсутнасць магчымасці для кампазітара кантактаваць з рэжысёрам, так як той знаходзіўся пад арыштам^[9].

Аналіз

Аўтарам саўндтрэка з’яўляецца французскі кампазітар Аляксандр Дэспла. Напісаны ім саўндтрэк спалучае ў сабе элементы авангарднай музыкі^[en] і класічнай музыкі канца XIX стагоддзя, а таксама наследуе традыцыям кінамузыкі Жоржа Дэлеру^[en] і Бернарда Хермана^[1][10]. Саўндтрэк складаецца з 17 кампазіцый, якія, па вялікім рахунку, рухаюцца вакол адной цэнтральнай тэмы. Практычна ўсе трэкі падтрымліваюць атмасферу саспенсу: некаторыя ціха, як «Investigation» і «The Predecessor», іншыя больш жвава, як «Travel to the Island» і «In the Woods». Некаторыя больш працяглыя мелодыі, такія як «The Truth About Ruth» і «Pr Paul Emmett» уяўляюць сабой апавядальныя фрагменты, якія плаўна развіваюцца ад адной музычнай рэплікі да іншай^[1]. Тым не менш, калі разглядаць саўндтрэк да фільма «Прывід пяра» у цэлым, то ён успрымаецца хутчэй як шэраг музычных кампазіцый, а не як адзін музычны твор, што аднак не перашкаджае гэтай музыцы цудоўна працаваць у кантэксце фільма^[1].

Узнагароды і намінацыі

За музыку да фільма «Прывід пяра» кампазітар Аляксандр Дэспла быў намініраваны на 13 кінематаграфічных узнагарод і ўдастоіўся 7 з іх, у тым ліку прэміі «Сезар» і «Еўрапейскай кінапрэміі». Ніжэй прыведзены спіс узнагарод і намінацый у храналагічным парадку.

Кінапрэмія / Арганізацыя	Дата	Прэмія / Катэгорыя	Намінант	Вынік	Спасылкі
Сусветная прэмія саўндтрэкаў	23.10.2010	Кінакампазітар года	Аляксандр Дэспла	Перамога	[11]
Еўрапейская кінапрэмія	04.12.2010	Найлепшы еўрапейскі кампазітар	Аляксандр Дэспла	Перамога	[12][13][14]
Асацыяцыя кінакрытыкаў Лос-Анджэлеса	12.12.2010	Найлепшая музыка	Аляксандр Дэспла	Перамога	[15][16][17]
Таварыства кінакрытыкаў Фенікса[fr]	28.12.2010[fr]	Найлепшая музыка	Аляксандр Дэспла	Намінацыя	[18][19]
Міжнароднае таварыства аматараў кіно	17.02.2011	Найлепшая арыгінальная музыка	Аляксандр Дэспла	2-е месца	[20][21]
Міжнародная асацыяцыя крытыкаў кінамузыкі[en]	24.02.2011[fr]	Саўндтрэк года[en]	«Прывід пяра», Аляксандр Дэспла	Намінацыя	[22][23]
		Найлепшы саўндтрэк да баявіка/прыгодаў/трылера[en]	«Прывід пяра», Аляксандр Дэспла	Перамога
		Кінамузычная кампазіцыя года[en]	«The Truth About Ruth», Аляксандр Дэспла	Намінацыя
Сезар	25.02.2011	Найлепшая музыка	Аляксандр Дэспла	Перамога	[24][25][26]
Залатая зорка французскага кіно[fr]	21.03.2011	Найлепшы кампазітар	Аляксандр Дэспла	Перамога	[27]
Анлайн-асацыяцыя кіно і тэлебачання[pt]	2011	Найлепшая арыгінальная музыка	Аляксандр Дэспла	Намінацыя	[28]
Залаты Дэрбі[fr]	2011	Найлепшая арыгінальная музыка	Аляксандр Дэспла	Намінацыя	[29]
Міжнародная анлайн-кінапрэмія	2011	Найлепшая арыгінальная музыка	Аляксандр Дэспла	Перамога	[30]