Прыморскія Альпы (рымская правінцыя)

Прыморскія Альпы (лац.: Alpes Maritimae) — правінцыя Рымскай імперыі, адна з трох невялікіх правінцый, якія знаходзіліся ў Альпах на граніцы сучасных Францыі і Італіі.

Прыморскія Альпы
Краіна	Старажытны Рым
Адміністрацыйны цэнтр	Cemenelum[d] Eburodunum[d]
Дата ўтварэння	63
Дата скасавання	476
Медыяфайлы на Вікісховішчы

У паняцця ёсць і іншыя значэнні, гл. Прыморскія Альпы.

Рымская правінцыя Прыморскія Альпы (адзначана жоўтым) каля 117 года н. э.

Асноўным прызначэннем гэтых правінцый было падтрыманне ў парадку дарог праз альпійскія перавалы. Прыморскія Альпы межавалі з Нарбонскай Галіяй на захадзе, Коцкімі Альпамі на поўначы і Італіяй на ўсходзе.

У 14 да н.э. вобласць была ўзята пад пратэктарат імператарам Актавіянам Аўгустам. Правінцыя на гэтым месцы, відаць, была арганізавана пры Нероне ў 63 годзе, калі мясцоваму насельніцтву было нададзена лацінскае права. Улада над правінцыяй была перададзена пракуратару Аўгуста. Пасля рэформ Дыяклетыяна, тэрыторыя Прыморскіх Альпаў была злучана з Коцкімі Альпамі і Нарбонскай Галіяй.

Сталіца Прыморскіх Альпаў размяшчалася ў Цэменелуме (лац.: Cemenelum, цяпер раён горада Ніца ў Францыі), а ў позняй антычнасці была перанесена ў Эбурадонум.

Мясцовае насельніцтва складалася з трох асноўных плямёнаў: лігураў, капілатаў і мантанаў. Пра гэтыя народы згадвае пастаўлены Аўгустам трафей. У правінцыі размяшчалася тры кагорты: cohors Ligurum et Hispaniorum^[1], cohors II Ligurum^[2] і cohors Nauticorum^[3].