Прэзідэнт Татарстана

Прэзідэнт Рэспублікі Татарстан (татар.: Татарстан Республикасы Президенты) — кіраўнік рэспублікі (суб’екта, дзяржавы)^{[заўв 1][1]} і вышэйшая службовая асоба, якая ўзначальвае сістэму выканаўчых органаў дзяржаўнай улады суб'екта Расійскай Федэрацыі — Рэспублікі Татарстан.

Яго паўнамоцтвы вызначаюцца главой другой часткі IV Канстытуцыі Рэспублікі Татарстан. Тэрмін паўнамоцтваў — пяць гадоў. Прэзідэнт рэспублікі абавязаны валодаць дзяржаўнымі мовамі Рэспублікі Татарстан (татарскай або рускай^[2][3]). Прэзідэнтам не можа быць асоба маладзейшая за 35 гадоў.

Прэзідэнцкі палац у Казанскім крамлі

Рэзідэнцыяй прэзідэнта Татарстана з’яўляецца Прэзідэнцкі палац у Казанскім крамлі ў сталіцы Рэспублікі Татарстан горадзе Казані. Другой рэзідэнцыяй прэзідэнта Татарстана з’яўляецца загарадная летняя рэзідэнцыя ў пас. Баравое Мацюшына.

Сімвалам прэзідэнцкай улады ў Рэспубліцы Татарстан з’яўляецца штандар прэзідэнта Рэспублікі Татарстан, які знаходзіцца ў службовым кабінэце і падымацца над рэзідэнцыямі. Штандар уяўляе сабой дзяржаўны сцяг Рэспублікі Татарстан з намаляваным па цэнтры дзяржаўным гербам Рэспублікі Татарстан.

Чакаецца, што з 2020 года пасада прэзідэнта рэспублікі Татарстан будзе пераназваная^[4].

Спіс прэзідэнтаў Рэспублікі Татарстан

№	Партрэт	Імя, прозвішча (гады жыцця)	Колькасць прэзідэнцкіх тэрмінаў	Тэрмін паўнамоцтваў		Партыя
1		Мінцімер Шайміеў (нар. 1937)	4	12 чэрвеня 1991 года	25 сакавіка 2010 года	КПСС, «Наш дом — Расія», «Уся Расія» («Айчына — Уся Расія»), «Адзіная Расія»
2		Рустам Мініханаў (нар. 1957)	2	25 сакавіка 2010 года	дзеючы прэзідэнт	УПП «Адзіная Расія»

Заўвагі

1. Па сэнсе ар. 5 Канстытуцыі Расійскай Федэрацыі рэспубліка атаясамліваецца з дзяржавай, пры гэтым выраз «дзяржава» выводзіцца ў дужках

Зноскі

1. Статья 89 Конституции Республики Татарстан
2. Глава 2. Президент Республики Татарстан // Конституция Республики Татарстан от 6 ноября 1992 г. (с изменениями и дополнениями)
3. Постановление Конституционного суда РТ от 30 мая 2003 г. N 9-П «По делу о толковании отдельных положений статей 5, 21, 91 Конституции Республики Татарстан»
4. Козлов П.Кремль не продлит договор с Татарстаном. Изменит ли это что-то? // Русская служба Би-би-си, 11.08.2017