Пунктэлія

Пунктэ́лія (Punctelia) — род ліставатых лішайнікаў сямейства пармелівых.

Пунктэлія
Punctelia rudecta
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Род:  Пунктэлія
Міжнародная навуковая назва
Punctelia Krog, 1982
Сістэматыка на Віківідах Выявы на Вікісховішчы NCBI   172638 EOL   21152 MB   4556

Апісанне

Слаявіна ліставатая, разеткападобная або няправільнай формы, шырыня 3–7 (да 10) см, з саралямі. Лопасці шырынёй да 6 мм, злёгку ўвагнутыя, з акругла выразанымі і трохі выгнутымі канцамі і краямі, якія дакранаюцца або налягаюць адзін на аднаго. Верх гладкі, крыху няроўны, светла- або цёмна-шэра-блакітнавата-зеленаваты, зрэдку жаўтавата- або карычнявата-шэры, злёгку бліскучы або матавы, з белаватымі кропкападобнымі псеўдацыфеламі, з якіх развіваюцца мучністыя або дробназярністыя акруглыя белаватыя саралі (утварэнні для вегетатыўнага размнажэння). Краявыя саралі могуць развівацца на разрывах верхняга каравога слоя другасных лапасцінак. Ніжняя паверхня светлая, ад крэмава-белай да светла-карычневай, з рэдкімі, такога ж колеру рызінамі, якія не даходзяць да краю лопасцей. Пладовыя целы (апатэцыі) пераважна адзіночныя, трапляюцца рэдка. Сумкі 8-споравыя. Споры бясколерныя, амаль шарападобныя.

Пашырэнне

У свеце вядома каля 25 відаў, распаўсюджаны ва ўсіх кліматычных зонах, часта ў тропіках і субтропіках. Сустракаюцца на кары ліставых дрэў, драўніне. У Беларусі прадстаўлены пунктэлія Борэра (Punctelia borreri) пунктэлія Джэкера (Punctelia jeckeri) і пунктэлія грубаватая (Punctelia subrudecta).