Пюру Сойры

Пюру Сойры (фінск.: Pyry Soiri; нар. 22 верасня 1994, Тамісаары) — фінскі футбаліст намібійскага паходжання, паўабаронца хельсінкскага ХІКа і нацыянальнай зборнай Фінляндыі.

Пюру Сойры
Агульная інфармацыя
Поўнае імя	Пюру Генры Хідыпа Сойры
Нарадзіўся	22 верасня 1994(1994-09-22)[1] (31 год) Экенес, Raseborg sub-region[d], Усіма, Нюландская губерня[d], Фінляндыя[2]
Грамадзянства	Фінляндыя  Намібія
Рост	183 см
Вага	63 кг
Пазіцыя	паўабаронца
Інфармацыя пра клуб
Клуб	ХІК
Нумар	23
Маладзёжныя клубы
2010—2011 МюПа-47 (Каўвола)
Клубная кар’ера[* 1]
2012—2014 МюПа-47 (Каўвола) 50 (1) 2012 →  ЯПС (Ярвенпяа) 2 (0) 2012 →  КТП (Котка) 12 (2) 2015—2017 ВПС (Васа) 62 (14) 2017—2018 Шахцёр (Салігорск) 26 (3) 2018—2019 Адміра Вакер (Мёдлінг) 12 (2) 2019—2021 Эсб’ерг 50 (4) 2022— ХІК (Хельсінкі)
Нацыянальная зборная[* 2]
2013 Фінляндыя (да 19) 2 (0) 2013—2016 Фінляндыя (да 21) 16 (1) 2017— Фінляндыя 34 (5)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 студзеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 23 студзеня 2022
Медыяфайлы на Вікісховішчы

Клубная кар’ера

Нарадзіўся ў Фінляндыі, але хутка пераехаў у Афрыку, дзе і пачаў займацца футболам. У 2010 годзе вярнуўся ў Фінляндыю і трапіў у сістэму клуба «МюПа». У 2012 годзе выступаў у арэндзе ў клубах ЯПС і КТП, пасля вяртання ў «МюПа» ў сезоне 2013 звычайна выхадзіў на замену, а на наступны год замацаваўся ў асноўным складзе. У 2015 годзе перайшоў у ВПС, дзе адразу стаў іграком асновы. Паспяхова правёў сезон 2016, у якім забіў 10 галоў у чэмпіянаце Фінляндыі.

У лютым 2017 года падпісаў трохгадовы кантракт з беларускім клубам «Шахцёр» з Салігорска^[3]. У складзе салігарчан стаў звычайна выступаць на пазіцыі левага паўабаронцы, хоць і не меў трывалага месца ў аснове, чаргуючы выхады ў стартавым складзе і на замену.

У студзені 2018 года праходіў прагляд у дацкім клубе «Сількебарг», з якім трэніраваўся на зборы ў Іспаніі, але не падышоў^[4]. У выніку вярнуўся ў «Шахцёр» і пачаў у яго складзе сезон 2018, аднак трывалага месца ў аснове не меў.

У жніўні 2018 года перайшоў у аўстрыйскі клуб «Адміра Вакер»^[5], а ў чэрвені 2019 года далучыўся да дацкага «Эсб’ерга». У жніўні 2021 года па пагадненні бакоў разарваў кантракт з дацкім клубам.

У студзені 2022 года вярнуўся ў Фінляндыю, стаўшы іграком ХІКа.

Міжнародная кар’ера

Выступаў за моладзевую зборную Фінляндыі.

6 кастрычніка 2017 года дэбютаваў у нацыянальнай зборнай Фінляндыі, выйшаўшы на замену ў другім тайме адборачнага матча чэмпіянату свету 2018 супраць Харватыі. У канцы гэтай сустрэчы адзначыўся голам, тым самым усталяваўшы канчатковы лік 1:1.

Дасягненні

• 03 Бронзавы прызёр чэмпіянату Беларусі: 2017
• 01 Чэмпіён Фінляндыі: 2022