Пётр Іосіфавіч Амбражунас

Пётр Іосіфавіч Амбражунас (24 студзеня 1892, в. Грумшлі, Біржаўская воласць, Панявежскі павет, Ковенская губерня, Расійская імперыя, зараз Біржайскі раён — 7 мая 1938, Мінск) — дзяржаўны дзеяч БССР. Член КПСС з 1919 года^[1].

Пётр Іосіфавіч Амбражунас
Наркам камунальнай гаспадаркі БССР 1934 — 1936
Старшыня праўлення Саюза архітэктараў БССР 1934 — 1937
Нараджэнне	24 студзеня 1892(1892-01-24) Грумшлі[d], Панявежскі павет, Ковенская губерня, Расійская імперыя
Смерць	7 мая 1938(1938-05-07) (46 гадоў)
Партыя	КПСС
Член у	Беларускі саюз архітэктараў

Біяграфія

Атрымаў пачатковую адукацыю^[2]. Удзельнік Першай Сусветнай вайны, Лютаўскай і Кастрычніцкай рэвалюцый, Грамадзянскай вайны ў Літве і Беларусі. Старшыня Аршанскага (1924—28) і Гомельскага (1928—30) акрвыканкамаў, намеснік старшыні ВСНГ БССР, наркам камунальнай гаспадаркі БССР у 1934-36, першы старшыня праўлення Саюза архітэктараў БССР у 1934—37. Кандыдат у члены ЦВК у 1924—37 і кандыдат у члены Прэзідыума ЦВК БССР у 1929—31, 1935—37^[1].

3 ліпеня 1937 года быў арыштаваны. 20 снежня 1937 года ВКВС СССР быў прыгавораны як удзельнік тэрарыстычнай арганізацыі і 7 мая 1938 года расстраляны. Рэабілітаваны 2 красавіка 1957 года Ваеннай калегіяй Вярхоўнага суда СССР^[2].

Зноскі

1. Амбражунас Пётр Иосифович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с.
2. Амбражунас Петр Иосифович. Списки жертв (руск.)