Пётр Васільевіч Кандрацьеў

Пётр Васільевіч Кандрацьеў (20 чэрвеня 1909, Віцебск — 1 чэрвеня 1943) — ваенны лётчык, Герой Савецкага Саюза.

Пётр Васільевіч Кандрацьеў
Дата нараджэння	20 чэрвеня 1909(1909-06-20)
Месца нараджэння	Віцебск, Віцебская губерня, Расійская імперыя
Дата смерці	1 чэрвеня 1943(1943-06-01) (33 гады)
Месца смерці	Фінскі заліў
Месца пахавання	Кранштат
Грамадзянства	Беларусь
Прыналежнасць	СССР
Званне	гвардыі палкоўнік
Камандаваў	13-ы знішчальны авіяполк
Бітвы/войны	Савецка-фінляндская вайна, 1939—1940, Вялікая Айчынная вайна
Узнагароды і званні

У Вікіпедыі ёсць артыкулы пра іншых людзей з прозвішчам Кандрацьеў.

Біяграфія

Скончыў Ленінградскую ваенна-тэарэтычную школу лётчыкаў (1933), Ейскую ваенна-марскую школу лётчыкаў.

Удзельнік савецка-фінляндскай вайны 1939—1940 гг., у час якой памочнік камандзіра авіяпалка капітан П. В. Кандрацьеў зрабіў 66 баявых вылетаў, патапіў варожае судна з боепрыпасамі, спаліў на аэрадроме 7 самалётаў, знішчыў 2 паравозы, 7 аўтамашын. Званне Героя Савецкага Саюза прысвоена 21.04.1940 г.

У Вялікую Айчынную вайну ўдзельнічаў у абароне Ленінграда, знішчальны авіяполк пад яго камандаваннем за 5 месяцаў правёў 389 паветраных баёў, знішчыў 105 варожых самалётаў, 55 танкаў. Палкоўнік Кандрацьеў загінуў 01.06.1943 г. у баі над Фінскім залівам. Пахаваны ў горадзе Кранштат.

Узнагароды

• Медаль «Залатая Зорка»
• Ордэн Леніна
• 2 ордэны Чырвонага Сцяга
• Ордэн Чырвонай Зоркі

Памяць

• Імем П. В. Кандрацьева названа вуліца ў Віцебску, пасёлак у Выбаргскім раёне Ленінградскай вобласці.
• Імя Героя ўвекавечана на на мемарыяльнай дошцы з імёнамі Герояў савецкага Саюза марскіх авіяцыйных палкоў Балтыйскага флоту ў горадзе Кранштат.

Зноскі