Пётр Віктаравіч Драздоў

Пётр Віктаравіч Драздоў (нар. 23 верасня 1947, Талачын, Віцебская вобласць, БССР) — беларускі дзяржаўны дзеяч. Старшыня Віцебскага гарвыканкама ў 2003—2009 гадах.

Пётр Віктаравіч Драздоў
16-ы Старшыня Віцебскага гарадскога выканаўчага камітэта 4 ліпеня 2003 — 21 красавіка 2009
Прэзідэнт	Аляксандр Лукашэнка
Кіраўнік урада	Сяргей Сідорскі
Губернатар	Уладзімір Андрэйчанка
Папярэднік	Уладзімір Віктаравіч Пелагейка
Пераемнік	Віктар Паўлавіч Нікалайкін
Нараджэнне	23 верасня 1947(1947-09-23) (77 гадоў) Талачын, Талачынскі раён, Віцебская вобласць, Беларуская ССР, СССР
Адукацыя	Беларускі дзяржаўны інстытут народнай гаспадаркі імя В. У. Куйбышава (1975) Мінская вышэйшая партыйная школа пры ЦК КПБ (1983)
Узнагароды	ганаровы грамадзянін горада Віцебска (10 жніўня 2007)

Біяграфія

У 1966 годзе працаваў электраманцёрам Гомельскай ЦЭЦ, затым быў майстрам вытворчага навучання тэхнічнага вучылішча № 81 у Гомелі. У 1967—1969 гадах служыў у Савецкай Арміі. Пасля службы працаваў у Барысаве інжынерам прадпрыемства электрычных сетак, старшым інжынерам-энергетыкам ДБР—25 Міндарбуда БССР. У 1972 годзе прыехаў у Віцебск і стаў працаваць канструктарам спецыяльнага канструктарскага бюро завода шліфавальных і заточных станкоў. У 1975 годзе скончыў Беларускі інстытут народнай гаспадаркі па спецыяльнасці «планаванне народнай гаспадаркі», а ў 1983 годзе — Мінскую Вышэйшую партыйную школу.

З 1985 па люты 2002 года працаваў намеснікам, першым намеснікам старшыні Віцебскага аблвыканкама. З лютага 2002 года старшыня Камітэта па матэрыяльных рэзервах пры Савеце Міністраў Рэспублікі Беларусь.

З 4 ліпеня 2003 да 21 красавіка 2009 года старшыня Віцебскага гарвыканкама.

Узнагароды

За добрасумленную працу ўзнагароджаны ў 2000 годзе ордэнам Пашаны, у 2007 годзе — ордэнам Францыска Скарыны.

За дасягнутыя поспехі ў выкананні асноўных мэтавых паказчыкаў сацыяльна-эканамічнага развіцця Віцебска тройчы прызнаваўся пераможцам з занясеннем на Рэспубліканскую дошку Гонару ў 2004—2006 гадах.

10 жніўня 2007 года Пятру Драздову прысвоена званне «Ганаровы грамадзянін горада Віцебска».

Зноскі