Пётр Пятровіч Міклашэвіч

У Вікіпедыі ёсць артыкулы пра іншых людзей з прозвішчам Міклашэвіч.

Пётр Пятро́віч Міклашэ́віч (нар. 18 кастрычніка 1954(1954-10-18), Касута, Маладзечанская вобласць) — беларускі дзяржаўны дзеяч, Генеральны пракурор Рэспублікі Беларусь (2004—2008), Старшыня Канстытуцыйнага Суда Рэспублікі Беларусь (2008—2025), дзяржаўны саветнік юстыцыі 1-га класа, Заслужаны юрыст Рэспублікі Беларусь.

Пётр Пятровіч Міклашэвіч
3-і Старшыня Канстытуцыйнага Суда Рэспублікі Беларусь 8 лютага 2008 — 2025
Кіраўнік урада	Сяргей Сідорскі Міхаіл Мясніковіч Андрэй Кабякоў
Папярэднік	Рыгор Васілевіч
Пераемнік	Сяргей Сівец
6-ы Генеральны пракурор Рэспублікі Беларусь 29 лістапада 2004 — 8 лютага 2008
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Віктар Шэйман
Пераемнік	Рыгор Васілевіч
Нараджэнне	18 кастрычніка 1954(1954-10-18) (71 год) Касута, Рабунскі сельсавет, Вілейскі раён, Маладзечанская вобласць, Беларуская ССР, СССР
Член у	Канстытуцыйная камісія
Адукацыя	БДУ
Дзейнасць	права[1] і justice and judicial activities[d][1]
Ваенная служба
Званне	Дзяржаўны саветнік юстыцыі 1 класа
Узнагароды

Біяграфія

Нарадзіўся 18 кастрычніка 1954 года ў в. Касута Вілейскага раёна Маладзечанскай вобласці.

У 1981 годзе скончыў Беларускі дзяржаўны ўніверсітэт па спецыяльнасці «Правазнаўства».

З 1972 па 1982 год праходзіў службу ва Узброеных Сілах.

З 1982 года працаваў суддзём, старшынёй суда Буда-Кашалёўскага раёна, суддзём Гомельскага абласнога суда. У 1989—1998 гадах — на пасадзе старшыні Гомельскага абласнога суда.

У 1998—1999 гадах — першы намеснік Міністра юстыцыі Рэспублікі Беларусь.

З 1999 па 2004 год працаваў на пасадзе першага намесніка Старшыні Вярхоўнага Суда Рэспублікі Беларусь.^[2]

У 2004—2008 гадах — Генеральны пракурор Рэспублікі Беларусь^[3].

З лютага 2008 года — суддзя і Старшыня Канстытуцыйнага Суда Рэспублікі Беларусь.

8 лютага 2013 Указам Прэзідэнта Рэспублікі Беларусь са згоды Савета Рэспублікі Нацыянальнага сходу Рэспублікі Беларусь прызначаны Старшынёй Канстытуцыйнага Суда Рэспублікі Беларусь на новы пяцігадовы тэрмін^[4].

31 студзеня 2018 года Указам Прэзідэнта Рэспублікі Беларусь прызначаны Старшынёй Канстытуцыйнага Суда Рэспублікі Беларусь на новы пяцігадовы тэрмін са згоды Савета Рэспублікі Нацыянальнага сходу Рэспублікі Беларусь^[5].

15 сакавіка 2021 года ўвайшоў у склад Канстытуцыйнай камісіі, якая ў мэтах ажыццяўлення рэзалюцыі шостага Усебеларускага народнага сходу распрацоўвала прапановы па змяненні Канстытуцыі Беларусі і забяспечвала іх усенароднае абмеркаванне^[6].

Аўтар шэрагу навуковых публікацый.

Узнагароды

• Ордэн Пашаны (2022)^[7].

Санкцыі

У лютым 2007 года патрапіў у спіс спецыяльна прызначаных грамадзян і заблакіраваных асоб ЗША^[8]. Адміністрацыя ЗША абвінаваціла Міклашэвіча ва ўдзеле ў рэпрэсіях супраць грамадзянскай супольнасці і дэмакратычнай апазіцыі, фальсіфікацыі вынікаў прэзідэнцкіх выбараў 2006 года. Адпаведныя санкцыі прыняў і Еўрапейскі Саюз, дадаў Міклашэвіча ў спіс беларускіх чыноўнікаў, якім забаронены ўезд на тэрыторыю ЕС^[9].

У лютым 2011 года быў зноў уключаны ў санкцыйны спіс Еўрасаюза^[10].

Пасля прэзідэнцкіх выбараў і пратэстаў 2020 года быў унесены ў санкцыйныя спісы балтыйскіх краін у верасні таго ж года^[11][12]. 6 лістапада 2020 года на Пятра Міклашэвіча чарговы раз накладзеныя персанальныя санкцыі Еўрапейскага Саюза^[13]. 24 лістапада да гэтага пакета санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя^[14], а 11 снежня — і Швейцарыя^[15]. Акрамя таго, 6 лістапада Міклашэвіч трапіў пад санкцыі Вялікабрытаніі^[16] і Канады^[17].