Пётр Сцяпанавіч Пойта

Пётр Сцяпанавіч Пойта (23 верасня 1948, в. Харсы, Брэсцкі раён, БССР) — вучоны ў галіне будаўніцтва, педагог, рэктар Брэсцкага дзяржаўнага тэхнічнага ўніверсітэта (2002—2018), заслужаны работнік адукацыі Беларусі (2017), доктар тэхнічных навук (2005), прафесар.

Пётр Сцяпанавіч Пойта
Дата нараджэння	23 верасня 1948(1948-09-23) (76 гадоў)
Месца нараджэння	Харсы, Камароўскі сельсавет, Дамачаўскі раён, Брэсцкая вобласць, Беларуская ССР, СССР
Род дзейнасці	навуковец
Месца працы	БрДТУ
Навуковая ступень	доктар тэхнічных навук (2005)
Навуковае званне	прафесар
Альма-матар	Брэсцкі інжынерна-будаўнічы інстытут (1972)
Узнагароды	Ганаровая грамата Савета Міністраў Рэспублікі Беларусь (2013) ганаровы грамадзянін горада Брэста

Біяграфія

Скончыў Брэсцкі інжынерна-будаўнічы інстытут у 1972 годзе па спецыяльнасці «прамысловае і грамадзянскае будаваўніцтва». З 1974 года працаваў у Брэсцкім інжынерна-будаўнічым інстытуце на будаўнічым факультэце прафесарам кафедры геатэхнікі і транспартных камунікацый, у 1986—1988 — загадчыкам кафедры асноў і фундаментаў, 1988—2009 — кафедры асноў, фундаментаў, інжынернай геалогіі і геадэзіі, 1993—1995 — дэкан факультэта, 1995—2002 — першы прарэктар, 2002—2018 — рэктар універсітэта.

Навуковыя інтарэсы: тэарэтычныя і эксперыментальныя асновы працы фундаментаў будынкаў і збудаванняў у складаных інжынерна-геалагічных умовах.

Узнагароды

• Медаль «За працоўныя заслугі» (30 жніўня 2007)^[1]
• Ганаровая грамата Савета Міністраў Рэспублікі Беларусь (19 верасня 2013)^[2]

Мае званне «Ганаровы грамадзянін горада Брэста».

Зноскі

1. https://nagrady.by/persona/35619/
2. https://nagrady.by/persona/1570/