Пікорнавірусы

Пікорнавірусы, Энтэравірусы або Кішэчныя вірусы (Picornaviridae, ад лац.: pico — маленькі і лац.: rna — РНК) — сямейства простых дробных РНК-геномных вірусаў — паразітаў чалавека, малпаў і іншых млекакормячых. Змяшчаюць адналанцужную геномную РНК станоўчай палярнасці (гэта значыць той жа палярнасці, што і мРНК). У сямейства ўключаны роды энтэравірусаў, рынавірусаў, афтавірусаў, кардыёвірусаў і інш.

Пікорнавірусы
Навуковая класіфікацыя
Дамен:  Вірусы[1] Атрад:  Picornavirales[2] Сямейства:  Пікорнавірусы
Міжнародная навуковая назва
Picornaviridae
Роды
Enterovirus — Энтэравірусы Rhinovirus — Рынавірусы Hepatovirus Cardiovirus — Кардыёвірусы Aphthovirus — Афтавірусы Parechovirus Erbovirus Kobuvirus Teschovirus
Група паводле Балтымара
IV: (+)алРНК-вірусы
Сістэматыка на Віківідах Выявы на Вікісховішчы NCBI   12058 EOL   8043

Памер капсіда складае каля 27-30 нм, памер генома — каля 7-8 тысяч асноў. Геном прадстаўлены суцэльнай аднанітачнай пазітыўнай замкнутай РНК, кавалентна злучанай з поліпептыдам. Капсід пабудаваны па кубаідальным тыпе з 60 капсамераў. Вірыён мае форму ікасаэдра, памер 24-30 нм.

Размнажэнне пікорнавірусаў адбываецца ў цытаплазме заражанай клеткі. Да пікорнавірусаў адносяцца ўзбуджальнікі такіх захворванняў як поліяміэліт, рыніт, яшчур, гепатыт А і інш.

Зноскі

1. Таксанамія вірусаў на сайце Міжнароднага камітэта па таксанаміі вірусаў (ICTV).
2. Згодна з NCBI link: Picornavirales