Піпы

Пі́пы (Pipinae) — падсямейства бясхвостых земнаводных падатрада без'языкіх. Адзіны род (Pipa) аб'ядноўвае 5-7 відаў.

Піпы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Земнаводныя Падклас:  Lissamphibia Інфраклас:  Batrachia Надатрад:  Salientia Атрад:  Бясхвостыя Падатрад:  Mesobatrachia Сямейства:  Піпавыя Падсямейства:  Піпы (Pipinae) Род:  Піпы
Міжнародная навуковая назва
Pipa Laurenti, 1768
Сістэматыка на Віківідах Выявы на Вікісховішчы ITIS   207433 NCBI   191479 EOL   41279 FW   135377

Апісанне

Даўжыня да 20 см; самкі буйнейшыя за самцоў. Цела шырокае, пляскатае. Морда завостраная. Вочы без павекаў. Пярэднія ногі з 4 доўгімі пальцамі без плавальных перапонак, заднія даўжэйшыя, з 5 пальцамі, злучанымі перапонкай.

Пашырэнне

Пашыраны ў тропіках Паўднёвай Амерыкі. Жывуць у прэсных вадаёмах і каля іх. Кормяцца дробнымі беспазваночнымі.

Асаблівасці біялогіі

Размнажэнне найбольш вывучана ў піпы сурынамскай: яйцы (да 114) з дапамогай самца трапляюць у ячэйкі яйцаклада, які самка выварочвае сабе на спіну. Ячэйкі глыбынёю да 15 мм прыкрыты скурыстымі вечкамі, пад якімі ідзе развіццё яец і фарміраванне апалонікаў, пасля чаго з ячэек выходзяць сфарміраваныя жабяняты, а самка ліняе, мяняючы скуру.

Віды

• Pipa arrabali
• Pipa aspera
• Pipa carvalhoi
• Pipa myersi
• Pipa parva
• Pipa pipa
• Pipa snethlageae

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).