Пішчухавыя (млекакормячыя)

Пішчухавыя, Пішчухі, Сенастаўкі (Ochotonidae) — сямейства млекакормячых атрада зайцападобных.

Пішчухавыя
Ochotona princeps
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Атрад:  Зайцападобныя Сямейства:  Пішчухавыя
Міжнародная навуковая назва
Ochotonidae Thomas, 1897
Сінонімы
Lagomina Gray, 1825 Lagomyidae Lilljeborg, 1866 Prolaginae Gureev, 1960
Сістэматыка на Віківідах Выявы на Вікісховішчы ITIS   180106 NCBI   9976 EOL   1688 FW   42155

У паняцця ёсць і іншыя значэнні, гл. Пішчухавыя.

Апісанне

Даўжыня да 28 см, маса да 240 г. Вушы круглыя, кароткія. Вібрысы доўгія. Хвост вельмі кароткі. Афарбоука бура-карычневых адценняў. Моцна свішчуць і пішчаць (адсюль назва).

Пашырэнне

Існуе 1 род, 20 відаў. Пашыраны ў Паўднёва-Усходняй Еўропе, Азіі, на паўночным захадзе Паўночнай Амерыкі. Жывуць пераважна калоніямі ў норах на адкрытых мясцінах раўнін і высакагор’я. На Беларусі жылі ў познім антрапагене.

Асаблівасці біялогіі

Расліннаедныя. На зіму назапашваюць сухую траву (адсюль другая назва). Нараджаюць да 7 дзіцянят 2—3 разы за год.

Некаторыя віды — носьбіты ўзбуджальніка чумы.

Літаратура

• Самусенка Э. Пішчухавыя // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).