Павел Юр’евіч Татарнікаў

У Вікіпедыі ёсць артыкулы пра іншых людзей з прозвішчам Татарнікаў.

Не блытаць з Павел Георгіевіч Татарнікаў.

Павел Юр’евіч Татарнікаў (нар. 23 ліпеня 1971, Брэст) — беларускі мастак-графік, кніжны ілюстратар, выкладчык Беларускай дзяржаўнай акадэміі мастацтваў.

Павел Юр’евіч Татарнікаў
Дата нараджэння	23 ліпеня 1971(1971-07-23)[1] (54 гады)
Месца нараджэння	Брэст, Брэсцкая вобласць, Беларуская ССР, СССР
Грамадзянства	Беларусь
Бацька	Юрый Іванавіч Татарнікаў[d]
Род дзейнасці	мастак, выкладчык універсітэта, ілюстратар, графік
Месца працы	Беларуская дзяржаўная акадэмія мастацтваў
Вучоба	Беларуская акадэмія мастацтваў (1995) Рэспубліканская школа-інтэрнат па музыцы і выяўленчым мастацтве імя І. В. Ахрэмчыка (1989)
Член у	Беларускі саюз мастакоў
Прэміі
Узнагароды	прэмія Цёткі (2017)
Сайт	tatarnikov.com (англ.)​ (бел.)
Медыяфайлы на Вікісховішчы

Біяграфія

Нарадзіўся ў сям’і мастакоў. Скончыў Рэспубліканскі каледж мастацтваў (1989), аддзяленне графікі Беларускай дзяржаўнай акадэміі мастацтваў (1995).

З 1997 года член Беларускага саюза мастакоў.

Творчасць

Займаецца станковай графікай. Творы Паўла Татарнікава захоўваюцца ў фондах Нацыянальнага мастацкага музея Рэспублікі Беларусь, Музея сучаснага мастацтва^{[удакладніць: камент.]}, Нацыянальнага гістарычнага музея Рэспублікі Беларусь.

З 1989 года займаецца кніжнай ілюстрацыяй. Супрацоўнічае з выдавецтвамі Беларусі, Вялікабрытаніі, Італіі, Расіі, Тайваня, Японіі.

Праілюстраваныя кнігі

• «Arthur of Albion» (2008) Джона Мэцьюза, выдавецтва «Barefootbooks» (Вялікабрытанія);
• «Снежная каралева» (2005), выдавецтва «Grimm Press» (Тайвань);
• «Золата Рэйна» (2004), выдавецтва «Grimm Press» (Тайвань);
• «Рыцары і дойліды Гародні» (2009) Аляксандра Краўцэвіча, выдавецтва «Гродзенская бібліятэка»;
• «У гасцях у вечнасці» (2007), «Перуновага племені дзеці» (2008) Анатоля Бутэвіча, выдавецтва «Кавалер паблішэр» (Мінск);
• «Шчыраю ноччу» Уладзіміра Ягоўдзіка, выдавецтва «ЛІМ» (Мінск);
• «Алмаз Раджы» (2005) Роберта Стывенсана;
• «Граф Монтэ-Крыста» (2006) Аляксандра Дзюма;
• «Венецыянскі купец» (2009) Уільяма Шэкспір, выдавецтва «Black cat» (Італія).

Выстаўкі

Удзельнічаў у міжнародных праектах, у т.л. «Дольна Вісла» ў Гручне (Польшча, 2014), фестывалі Lucca Comics and Games у Луцы (Італія, 2015), «Эрэм III» у Вігры (Польшча, 2019), «Беларціс» у Монтэ-Карла (Манака, 2019).

Персанальныя выстаўкі

• «Белае-шэрае-залатое» (Мінск, 2008);
• «Разам» (Мінск, 2008);
• «Arthur of Albion» (ЗША, 2008);
• «Жывапіс, графіка» (Брэст — Мінск, 2008);
• Міжнароднае біенале ілюстрацыі «ВІВ — 2009» (Славакія, 2009);
• «Рыцары і дойліды Гародні». Гродна (Гродна, 2009);
• «Брама мінулага» (Мінск, 2010);
• «Ілюстрацыя і не толькі…» (Светлагорск, 2010);
• (Віцебск, 2013)
• Выстаўка ілюстрацый у Карціннай галерэі імя Гаўрылы Вашчанкі (Гомель, 2014);
• (Гродна, 2016)
• (Мінск, 2018)
• (Нясвіж, 2018—2019)
• (Брэст, 2019)
• (Віцебск, 2019)
• (Мінск, 2019)

Узнагароды

• Залаты медаль конкурсу «Moonlight» (2008);
• Дзяржаўная прэмія Рэспублікі Беларусь (2011);
• Гран-пры ў намінацыі «Мастацкае афармленне кнігі» конкурсу беларускай кнігі для дзяцей і юнацтва «Прэмія Цёткі» (2017) за кнігу «Айчына: маляўнічая гісторыя. Ад Рагнеды да Касцюшкі»^[2];
• Прыз «Залаты Фаліянт» у намінацыі «Найлепшы ілюстратар года» нацыянальнага конкурсу «Мастацтва кнігі» (2017);
• Прыз «Залаты Фаліянт» у намінацыі «Разам з кнігай мы расцём» нацыянальнага конкурсу «Мастацтва кнігі» (2019)

Зноскі

1. Pavel Tatarnikov // The Fine Art Archive — 2003.

   <a href='https://wikidata.org/wiki/Track:Q10855166'></a>
2. Адкрыта падача заявак на Прэмію Цёткі для пісьменнікаў і ілюстратараў (нявызн.). Новы Час (21 снежня 2017). Праверана 10 лютага 2018.