Рабавічы

Ра́бавічы^[2] (трансліт.: Rabavičy, руск.: Рабовичи) — вёска ў Слаўгарадскім раёне Магілёўскай вобласці. Уваходзіць у склад Лапаціцкага сельсавета.

Вёска Рабавічы Краіна Беларусь Вобласць Магілёўская Раён Слаўгарадскі Сельсавет Лапаціцкі Каардынаты 53°32′59″ пн. ш. 30°56′59″ у. д.HGЯO Вышыня цэнтра 156 м Водныя аб’екты Чыстая Лужа Колькасць двароў 76[1] Насельніцтва 194[1] чалавек (2011) Часавы пояс UTC+3 Тэлефонны код +375 2246 Паштовы індэкс 213251 Аўтамабільны код 6 Рабавічы Рабавічы

Гісторыя

У 1560 годзе назва вёскі адзначаецца ў інвентары Дубровенскім пры апісанні ўладанняў, угоддзяў і сенажацяў сяла Цёплае (суседні Чавускі раён).

На карце 1777 года Рабавічы ў Старабыхаўскай акрузе, вадзяны млын, паштовая станцыя. У 1831 годзе пабудавана драўляная Пакроўская царква^[3]. У 1865 годзе ў складзе Пацяраеўскай воласці Быхаўскага павету Магілёўскай губерні^[4]. У 1913 г. дзейнічала царкоўна-прыходская школа^[5].

У 1924—1954 гадах цэнтр Рабавіцкага сельсавета.

Геаграфія

У межах вёскі рака Ляснянка ўпадае ў Чыстую Лужу.

Насельніцтва

• 2011 год — 194 чалавек^[1]
• 2010 год — 168 чалавек
• 1999 год — 258 чалавек
• 1926 год — 794 чалавек^[3]

Інфраструктура

У вёсцы дзейнічаюць крама і сельская бібліятэка-клуб^[1].

Славутасці

• Памятны знак на месцы масавага расстрэлу мірных жыхароў у гады Вялікай Айчыннай вайны^[6]

Выбітныя асобы

• Павел Віктаравіч Вераб’ёў^[7] — беларускі паэт

Зноскі

1. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Рабаві́чы, Ра́бавіцкая Слабада́, ж.
3. Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — С. 578.
4. НГАБ у Мінску, ф. 2001, воп. 2, спр. 151
5. РГИА, ф. 803, оп. 16, д. 1018
6. Открытие памятного знака прошло в Рабовичах. Фоторепортаж Архівавана 30 лістапада 2018. (руск.)
7. Вераб’ёў Павел Віктаравіч Архівавана 19 снежня 2018.