Рованіемі

Рованіемі (фінск.: Rovaniemi) — горад і муніцыпалітэт у Фінляндыі, адміністрацыйны цэнтр правінцыі Лапі.

Горад Рованіемі фінск.: Rovaniemi Герб[d] Сцяг Краіна  Фінляндыя Правінцыя Лапі Каардынаты 66°30′05″ пн. ш. 25°44′05″ у. д.HGЯO Глава гарады Маўры Гардзін Першая згадка 1453 Горад з 1960 Плошча 8017,20 км² Вышыня цэнтра 88 м[1] Водныя аб’екты Рака Кеміёкі Насельніцтва 59 848 чалавек (2009) Шчыльнасць 7,8 чал./км² Часавы пояс UTC+2 Тэлефонны код 16 Паштовыя індэксы 96100 Афіцыйны сайт rovaniemi.fi (фін.)(англ.)(руск.)(шведск.)(яп.) Рованіемі на карце Фінляндыі

Медыяфайлы на Вікісховішчы

Пасля аб'яднання ў 2006 годзе з Рованіемінскім сельскім муніцыпалітэтам Рованіемі стаў дванаццатым па велічыні горадам Фінляндыі і найбуйнейшым па плошчы горадам Еўропы.

Геаграфія

Горад Рованіемі размешчаны за 8 км на поўдзень ад палярнага круга, у месцы зліцця дзвюх буйных паўночных рэк — Оўнас'ёкі і Кеміёкі. Адлегласць да Хельсінкі — 800 км, да Санкт-Пецярбурга — 1025 км. Рованіемі — самы вялікі горад у Еўропе па плошчы, 8016 квадратных кіламетраў, з-за ўключэння ў горад навакольных тэрыторый.

Клімат умераны. Снежнае покрыва ляжыць у сярэднім 180 сутак у год (лістапад-красавік). Сярэдняя тэмпература студзеня — -11,8 °C (абсалютны мінімум — -45,3 °C), ліпеня — +15,2 °C (абсалютны максімум — + 30,6 °C). Сярэднегадавая тэмпература — +0,6 °C.

З верасня па сакавік у наваколлях горада можна назіраць палярнае ззянне.

Клімат Рованіемі
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	−8,5	−8,1	−2,8	2,7	10,2	16,8	19,4	16,1	10	2,6	−3,5	−6,9	4
Сярэдняя тэмпература, °C	−11,8	−11,1	−6,1	−0,9	6	12,5	15,2	12,4	6,9	0,3	−6,1	−10,1	0,6
Сярэдні мінімум, °C	−15,1	−14,1	−9,4	−4,5	1,8	8,1	11	8,6	3,8	−2	−8,7	−13,3	−2,8
Норма ападкаў, мм	42,1	33,6	35,6	30,9	35,9	59,1	69,1	71,7	54,0	54,6	48,6	41,7	576,9
Крыніца: Ганконгская абсерваторыя

Гісторыя

Герб Рованіемі ў 1930—2005 гадах

Найстаражытнае паселішча на месцы сучаснага горада датуецца XI стагоддзем^[2]. Першы пісьмовы ўспамін пра Рованіемі датуецца 1453 годам. Назва паселішча паходзіць ад саамскага «roavve», што азначае залесены ўзгорак.

З моманту заснавання Рованіемі хутка развіваўся і стаў гандлёвым і адукацыйным цэнтрам рэгіёна. У пачатку XIX стагоддзя горад атрымаў дадатковы імпульс да развіцця ў сувязі з павелічэннем цікавасці да лапландскіх прыродных багаццяў. Новых перасяленцаў прыцягвалі буйныя лесараспрацоўкі і лесасплавы. «Залатая ліхаманка» стала прычынай яшчэ большай цікавасці да горада. У выніку Рованіемі стаў буйным эканамічным цэнтрам губерні^[3].

У 1944 годзе падчас Лапландскай вайны горад быў амаль дашчэнту разбураны нямецкімі войскамі пад камандаваннем Л. Рэндуліча, аднак пасля заканчэння вайны быў адноўлены. У 1960 годзе Рованіемі атрымаў статус горада. У 1970 годзе горад стаў месцам правядзення VI Зімовай Універсіяды.

Адукацыя

• Лапландскі ўніверсітэт

Гарады-пабрацімы

• Мурманск, Расія (1962)
• Нарвік, Нарвегія
• Кіруна, Швецыя
• Харбін, Кітай

Зноскі

1. https://it-ch.topographic-map.com/map-p4fzdn/Rovaniemi/?zoom=19&center=66.49628%2C25.72588&popup=66.49639%2C25.72592
2. Рованиеми (нявызн.). Архівавана з першакрыніцы 21 студзеня 2012. Праверана 25 чэрвеня 2010.
3. Рованиеми (нявызн.). Архівавана з першакрыніцы 21 студзеня 2012. Праверана 25 чэрвеня 2010.