Рагулькі палявыя

Рагулькі палявыя^[1] (Сonsolida regalis) — від аднагадовых травяністых раслін роду Сonsolida сямейства Казяльцовыя (Ranunculaceae).

Рагулькі палявыя
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Казяльцовакветныя Сямейства:  Казяльцовыя Падсямейства:  Казяльцовыя Трыба:  Delphinieae Род:  Consolida Від:  Рагулькі палявыя
Міжнародная навуковая назва
Consolida regalis Gray, 1821
Сінонімы
Delphinium consolida L. basionym Consolida arvensis Opiz Consolida segetum Gray Delphinium diffusum Stokes Delphinium monophyllum Gilib., nom. inval. Delphinium segetum Lam., nom. illeg. Delphinium versicolor Salisb., nom. illeg.
Сістэматыка на Віківідах Выявы на Вікісховішчы ITIS   18762 NCBI   984867 EOL   594643 GRIN   t:70198 IPNI   710286-1 TPL   kew-2735708

Назва

Рагулькі палявыя, казёлкі, казёлчыкі^[2], жывакост^[3], казельчыкі, рагулькі^[4][5], козлікі, тапаркі^[5][6][7].

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Аднагадовая травяністая расліна. Вырастае ад 25 да 70 см. Сцябло прамое, галінастае, можа быць пакрыты валасінкамі.

Лісце чаргаванае, шматкроць рассечанае, з лінейнымі сегментамі лістоў, верхняе сядзячае, ніжняе з хвосцікамі. Кветкі блакітныя, маюць няправільную (зігаморфную) будову. Плод — лістоўка.

Распаўсюджанне і асяроддзе пражывання

Звычайнае пустазелле пасеваў жыта.

Гаспадарчае значэнне і прымяненне

Дэкаратыўная расліна з прыгожымі кветкамі, разводзіцца садоўнікамі, існуюць розныя сарты і формы, якія адрозніваюцца расфарбоўкай і памерам кветак.

Кветкі даюць нектар, пчолы наведваюць з першай паловы чэрвеня і да восені^[8].

У насенні змяшчаецца сукупнасць трыцерпенавых алкалоідаў. Парашок, атрыманы з насення, можа служыць інсектыцыдам.

Таксанамія

Інфравідавыя таксоны:

• Consolida regalis var. divaricata (Ledeb.) P.H.Davis [syn. Delphinium divaricatum Ledeb.]
• Consolida regalis subsp. paniculata (Host) Soó [syn. Consolida paniculata Host]

Consolida regalis — Тулузскі музеум

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 45. — 160 с. — 2 350 экз. — у крыніцы пад назвай Delphinium consolida L.
2. Federowski M. Lud Bialoruski na Rusi litewskiej. Krakow, I, 1897
3. Антонов А. А. О врачебных растениях, дикорастущих в Витебской губернии и употребляемых населением ее в домашней народной медицине. Витебск, 1888
4. З. Верас. Беларуска-польска-расейска-лацінскі ботанічны слоўнік. — Вільня, Субач 2: Выданне газеты «Голас беларуса», Друкарня С. Бэкэра, 1924.
5. Анненков Н.  (руск.) Ботанический словарь, Спб, 1878
6. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
7. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
8. Абрикосов Х. Н. и др. Живокость // Словарь-справочник пчеловода / Сост. Федосов Н. Ф.. — М.: Сельхозгиз, 1955. — С. 106. Архівавана 7 студзеня 2012.