Радзішына

Радзі́шына^[1] (трансліт.: Radzišyna, руск.: Радишино) — вёска ў Шклоўскім раёне Магілёўскай вобласці. Уваходзіць у склад Гарадзішчанскага сельсавета. За 34 км на паўднёвы ўсход ад Шклова, 62 км ад Магілёва, 36 км ад чыгуначнай станцыі Шклоў на лініі Орша — Магілёў. На захадзе цячэ рака Лешня (прыток ракі Бася).

Вёска Радзішына Краіна Беларусь Вобласць Магілёўская Раён Шклоўскі Сельсавет Гарадзішчанскі Каардынаты 54°08′17″ пн. ш. 30°38′27″ у. д.HGЯO Насельніцтва ▼23 чал. (2009) Часавы пояс UTC+3 Тэлефонны код +375 2239 Паштовыя індэксы 213039 Аўтамабільны код 6 Радзішына Радзішына

Гісторыя

Згадваецца ў 1643 як вёскі Радзішын (з млынам) і Другі Радзішын у Басейскім войтаўстве Шклоўскай воласці ў Аршанскім павеце ВКЛ^[2].

У часы Вялікай Айчыннай вайны пад нямецкай акупацыяй. Вёска вызвалена часцямі РСЧА, прыкладна, 26 чэрвеня 1944 года^[3].

Да 22 кастрычніка 1963 года вёска ўваходзіла ў склад Гарадзішчанскага сельсавета^[4], да 15 студзеня 1965 года — у склад Фашчаўскага сельсавета^[5], да 22 лютага 2012 года — у склад Ардацкага сельсавета^[6].

Вядомыя асобы

• Віктар Іванавіч Арцем’еў (нар. 1927) — беларускі пісьменнік, журналіст, краязнавец.