Ракшыно

Ракшыно́^[1] (трансліт.: Rakšyno, руск.: Ракшино) — вёска ў Беларусі, у Мсціслаўскім раёне Магілёўскай вобласці. Уваходзіць у склад Ракшынскага сельсавета.

Вёска Ракшыно Краіна Беларусь Вобласць Магілёўская Раён Мсціслаўскі Сельсавет Ракшынскі Каардынаты 54°02′37″ пн. ш. 31°17′10″ у. д.HGЯO Насельніцтва ▼111 чал. (2009) Часавы пояс UTC+3 Тэлефонны код +375 2240 Аўтамабільны код 6 СААТА 7246832051 Ракшыно на карце Беларусі ±

Геаграфія

Знаходзіцца за 35 км у напрамку на захад ад горада Мсціслаў, за 63 км ад Магілёва, за 6 км ад чыгуначнай станцыі Цёмны Лес (станцыя)^[2].

Гісторыя

У 1667 годзе сяло аддадзена Мсціслаўскаму кармеліцкаму кляштару. У 1699 годзе згадваецца як вёска Ракаўшчына ў Мсціслаўскім ваяводстве ВКЛ^[3]. У 1876 годзе памешчыца Лазарэвіч-Шапялевіч мела тут 100 дзесяцін зямлі. У 1897 годзе 8 двароў, 46 жыхароў, у Расненскай воласці Чавускага павета Магілёўскай губерні. Побач былі 2 фальваркі: у адным — 1 двор, 10 жыхароў. У 1909 годзе ў сяле 10 двароў, 57 жыхароў, у двух фальварках — 2 двары, 9 жыхароў і хутар належаў Бучынскаму.

Савецкая ўлада ўстаноўлена ў 1918 годзе. У 1930 годзе арганізаваны калгас «Пераможац», які абслугоўвала Курманаўская МТС. У Вялікую Айчынную вайну з 14 ліпеня 1941 года да 29 верасня 1943 года вёска была акупіравана нямецка-фашысцкімі захопнікамі. З 1973 года па канец 2010-х — цэнтр Ракшынскага сельсавета^[4]. Цэнтр калгаса імя Свярдлова.

Насельніцтва

• 1897 — 46 жыхароў, 8 двароў.
• 1909 — 57 жыхароў, 10 двароў.
• 2001 — 191 жыхар, 74 двары^[2].

Памятныя мясціны

• Брацкая магіла савецкіх воінаў^[2].