Раман Рагінскі

Раман Рагінскі (польск.: Roman Rogiński) (29 лютага 1840 — (15 лютага 1915) адзін з кіраўнікоў паўстання 1863—1864 гг. у Польшчы, Літве і Беларусі.

Раман Рагінскі
польск.: Roman Rogiński
Род дзейнасці	палітык, рэвалюцыянер, салдат
Дата нараджэння	29 лютага 1840(1840-02-29)[1]
Месца нараджэння	Ловіч, Ловіцкі павет, Польшча
Дата смерці	15 лютага 1915(1915-02-15)[1] (74 гады)
Месца смерці	Сянява, Гміна Сянява, Пшэворскі павет, Падкарпацкае ваяводства, Польшча
Грамадзянства	Польшча  Расійская імперыя
Бацька	Юзафат Рагінскі[d]
Маці	Izabela Modzelewska[d]
Альма-матар	Варшаўскае рэальнае вучылішча[d]
Бітвы/войны	Паўстанне 1863—1864 гадоў

У Вікіпедыі ёсць артыкулы пра іншых людзей з прозвішчам Рагінскі.

Біяграфія

У 1861 г. скончыў Варшаўскую рэальную гімназію. 3-за пагрозы арышту за ўдзел у маніфестацыях у Варшаве эмігрыраваў у Парыж. Вучыўся ў вайсковай школе ў Генуі. У 1862 г. вярнуўся ў Варшаву, прызначаны камісарам ад Цэнтральнага нацыянальнага камітэта ў Варшаве па Падляшскім ваяводстве. 23 студзеня 1863 г. зрабіў няўдалую спробу авалодаць Бялай. 7 лютага 1863 удзельнічаў у бітве пад Сямятычамі  (польск.), пасля рушыў у глыб Беларусі. 13 лютага 1863 г. заняў Пружаны, дзе захапіў зброю і амуніцыю, 25— 26 лютага 1863 г. разбіты каля в. Баркі. 3 сакавіка 1863 г. узяты ў палон у Тураве. Смяротны прыгавор ад 23 жніўня 1863 г. заменены на 20 гадоў катаргі, якую адбываў ва Усолле (Пермская губерня). У 1868 г. пераведзены на пасяленне, жыў у Верхняудзінску (Забайкальская вобласць), Віціме, Іркуцку. У 1892 г. вярнуўся на радзіму. Аўтар успамінаў аб падзеях 1863——1864 гг.