Ратайчыцы

Рата́йчыцы^[1] (трансліт.: Ratajčycy, руск.: Ратайчицы) — вёска ў Беларусі, у Камянецкім раёне Брэсцкай вобласці. Адміністрацыйны цэнтр Ратайчыцкага сельсавета.

Вёска Ратайчыцы Краіна Беларусь Вобласць Брэсцкая Раён Камянецкі Сельсавет Ратайчыцкі Каардынаты 52°20′43″ пн. ш. 23°36′50″ у. д.HGЯO Вышыня цэнтра 161 м Насельніцтва ▼260 чал. (2019) Часавы пояс UTC+3 Тэлефонны код +375 1631 Паштовыя індэксы 225068 Аўтамабільны код 1 СААТА 1240855066 Ратайчыцы Ратайчыцы Ратайчыцы

Ратайчыцы на Вікісховішчы

Геаграфія

Знаходзяцца пры ўпадзенні ракі П’яўкі ў раку Тачыю, за 18 км у напрамку на паўднёвы захад ад горада Каменец^[2], за 30 км ад Брэста^[2], за 16 км ад чыгуначнай станцыі Лышчыцы^[2].

Геалогія

Ад вёскі паходзіць назва Ратайчыцкай світы, мясцовага стратыграфічнага падраздзялення верхняга пратэразою Беларусі, якое ўтварае большую сярэднюю частку валынскай серыі венду, уключае вулканічныя і вулканагенныя асадкавыя пароды.

Гісторыя

Летам 1906 года адбылося антыкулацкае выступленне. Сяляне вёскі Кустынь сумесна з сялянамі вёсак Ратайчыцы і Рудаўцы Берасцейскага павета выгналі з маёнтка Трасцянец групу кулакоў, якія купілі гэты маёнтак за 115 тыс. рублёў.

Насельніцтва

• 2001 год — 368 жыхароў, 144 двары^[2].

Вытворчасць

У вёсцы знаходзіцца аднайменны гадавальнік дэкаратыўных раслін^[3].

Славутасці

• За 0,25 км на паўночны ўсход, на левым беразе ракі П’яўка знаходзіцца курганны могільнік перыяду ранняга Сярэднявечча, датаваны XI—XIII стагоддзямі. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэгіянальнага значэння ( Гісторыка-культурная каштоўнасць Беларусі, шыфр 113В000365шыфр 113В000365).
• За 0,8 км на паўднёвы ўсход ад вёскі знаходзіцца бескурганны могільнік перыяду ранняга Сярэднявечча, датаваны XI—XII стагоддзямі. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэгіянальнага значэння ( Гісторыка-культурная каштоўнасць Беларусі, шыфр 113В000366шыфр 113В000366).
• У самой вёсцы захаваліся рэшткі сядзібы XIX стагоддзя^[4].

Вядомыя асобы

У 1920-х гадах у вёсцы працаваў настаўнікам Адам Трыпус.