Раіса Аляксандраўна Ціханская

Раіса Аляксандраўна Ціханская (нар. 2 студзеня 1951, в. Малоткавічы Жабчыцкага раёна Пінскай вобласці) — беларускі палітык.

Раіса Аляксандраўна Ціханская
Нараджэнне	2 студзеня 1951(1951-01-02) (74 гады) Малоткавічы, Жабчыцкі сельсавет, Жабчыцкі раён, Пінская вобласць, Беларуская ССР, СССР
Адукацыя	Гомельскі дзяржаўны ўніверсітэт імя Францыска Скарыны
Узнагароды	Ганаровая грамата Савета Міністраў Рэспублікі Беларусь Ганаровая грамата Савета Міністраў Рэспублікі Беларусь ганаровая грамата Нацыянальнага сходу Рэспублікі Беларусь

Біяграфія

Скончыла Гомельскі дзяржаўны ўніверсітэт, выкладчык біялогіі і хіміі. Працоўную дзейнасць пачала вучаніцай лабаранта Сызранскага хлебазавода. Працавала швачкай на гомельскай фабрыцы «8 Сакавіка», інструктарам Савецкага райкама камсамола горада Гомеля, намеснікам сакратара камітэта камсамола Гомельскага радыёзавода, інструктарам Савецкага райвыканкама горада Гомеля, загадчыкам арганізацыйна-інструктарскага аддзела Гомельскага гарвыканкама, інструктарам арганізацыйнага аддзела Цэнтральнага райкама КПБ горада Гомеля. Была намеснікам загадчыка аддзела арганізацыйнай і кадравай работы Гомельскага абласнога Савета народных дэпутатаў, намеснікам начальніка ўпраўлення, начальнікам упраўлення арганізацыйна-кадравай работы Гомельскага аблвыканкама. Займала пасаду намесніка старшыні Гомельскага аблвыканкама.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў^[1].

Узнагароды

Мае Падзяку Прэзідэнта Рэспублікі Беларусь. Узнагароджана Ганаровай граматай Нацыянальнага сходу Рэспублікі Беларусь, Ганаровай граматай Савета Міністраў Рэспублікі Беларусь^[2].

Зноскі

1. ТИХАНСКАЯ РАИСА АЛЕКСАНДРОВНА(недаступная спасылка)
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.