Раіса Уладзіміраўна Кубліцкая

Раіса Уладзіміраўна Кубліцкая (нар. 10 красавіка 1928, в. Калышкі, Лёзненскага раёна, Віцебскай вобласці) — работнік сельскай гаспадаркі, Герой Сацыялістычнай Працы (1976), дэпутат Вярхоўнага Савета БССР 7-а склікання.

Раіса Уладзіміраўна Кубліцкая
Дата нараджэння	10 красавіка 1928(1928-04-10)
Месца нараджэння	Калышкі, СССР
Дата смерці	чэрвень 2021 (93 гады)
Месца смерці	Мінск, Беларусь
Грамадзянства	Беларусь
Узнагароды і прэміі

У паняцця ёсць і іншыя значэнні, гл. Кубліцкая.

Біяграфія

Скончыла 8 класаў Калышанскай сярэдняй школы. Удзельніца Вялікай Айчыннай вайны. У 1943 годзе добраахвотна працавала ў ваенным шпіталі.

З 1948 года працавала паляводам, з 1955 года — касірам, у 1960—1983 гадах — звеннявая па вырошчванні лёну ў калгасе імя Калініна Лёзненскага раёна.

Абіралася дэпутатам Вярхоўнага Савета БССР (1967—1971 гадах).

За поспехі ў павелічэнні вытворчасці прадуктаў земляробства і жывёлагадоўлі Указам Прэзідыума Вярхоўнага Савета СССР ад 10 сакавіка 1976 года Кубліцкай Р. У. было прысвоена званне «Герой Сацыялістычнай Працы».

З 1983 года Раіса Уладзіміраўна на пенсіі. Жыве ў Мінску.

У гарадскім пасёлку Лёзна на Алеі Славы знаходзіцца стэла ў гонар Р. І. Кубліцкай^[1].

Узнагароды

• «За перамогу над Германіяй у Вялікай Айчыннай вайне 1941—1945 гг.»
• медалямі «За ўзяцце Кёнігсберга»
• Герой Сацыялістычнай Працы (1976)
• Ганаровы грамадзянін Фрунзенскага раёна г. Мінска
• Ганаровы грамадзянін Лёзненскага раёна
• ордэн Леніна — двойчы
• ордэн Айчыннай вайны II ступені

Зноскі

1. Кубліцкая Раіса Уладзіміраўна