Роальд Эдмундавіч Кнаўэр

Роальд Эдмундавіч Кнаўэр (18 снежня 1937, Свярдлоўск — 29 сакавіка 2021, Мінск) — беларускі архітэктар.

Роальд Эдмундавіч Кнаўэр
Дата нараджэння	18 снежня 1937(1937-12-18)
Месца нараджэння	Свярдлоўск, Свярдлоўская вобласць, РСФСР, СССР
Дата смерці	29 сакавіка 2021(2021-03-29) (83 гады)
Месца смерці	Мінск, Беларусь
Грамадзянства	Беларусь
Альма-матар	Уральскі політэхнічны інстытут імя С. М. Кірава[d] (1961)
Месца працы	Белдзяржпраект
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Кнаўэр.

Біяграфія

Скончыў Уральскі політэхнічны інстытут у Свярдлоўску ў 1961 годзе. Працаваў архітэктарам, галоўным архітэктарам праектаў, начальнікам аддзела ў праектных арганізацыях Алма-Аты, Свярдлоўска^[1].

З 1974 года — намеснік галоўнага архітэктара Мінска, з 1980-га — начальнік майстэрні, з 1986 года — галоўны архітэктар праектаў у Белдзяржпраекце^[1].

Член Саюза архітэктараў СССР з 1965 года. Пражываў у Мінску^[1].

Памёр 29 сакавіка 2021 года. Пахаваны 30 сакавіка^[2].

Творчасць

Запраектаваў у аўтарскім калектыве студыя каляровага тэлебачання ў Свярдлоўску, жылыя дамы серыі ВТ-20, ВТ-21 з убудаванымі памяшканнямі абслугоўвання, крама «Саўле», рэстаран «Алматы», гасцініца і рэстаран «Ала-Тау», кафэ «Батагоз» у Алма-Аце, генплан 4-га мікрараёна з аб’ектамі жылля і культбыту горада нафтавікоў Новы Узень на паўвостраве Мангышлак (1961—1974)^[1].

Асноўныя працы (у аўтарскім калектыве): рэстаран «Мінск» у Патсдаме (1977), Музей валуноў інстытута геахіміі і геафізікі АН БССР (1979)^[1].

Сям’я

Быў у шлюбе з архітэктаркай Галінай Анатолеўнай Кнаўэр (нар. 1937), меў дачку Альбіну Роальдаўну Кнаўэр^[2] (нар. 20.04.1965), дызайнерку інтэр'ераў.

Зноскі

1. Кнауэр Роальд Эдмундович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. ПАМЯТИ МАСТЕРА АРХИТЕКТУРЫ