Рожанскі сельсавет

Ро́жанскі сельсавет — былая адміністрацыйна-тэрытарыяльная адзінка ў складзе Салігорскага раёна Мінскай вобласці. Цэнтр сельсавета — вёска Вялікі Рожан.

Рожанскі сельсавет
Краіна	Беларусь
Уваходзіць у	Салігорскі раён
Уключае	4 населеныя пункты
Адміністрацыйны цэнтр	Вялікі Рожан
Дата ўтварэння	12 кастрычніка 1940, 28 лютага 1964
Дата скасавання	22 снежня 1959, 29 снежня 2009
Насельніцтва (2009)	985
Часавы пояс	UTC+03:00
Код аўтам. нумароў	5

Гісторыя

Утвораны 12 кастрычніка 1940 года ў складзе Ганцавіцкага раёна Пінскай вобласці. Цэнтр — вёска Вялікі Рожан. З 8 студзеня 1954 года ў складзе Брэсцкай вобласці. 16 ліпеня 1954 года да сельсавета далучана тэрыторыя скасаванага Чудзінскага сельсавета^[1]. 22 снежня 1959 года сельсавет перайменаваны ў Чудзінскі, цэнтр перанесены ў вёску Чудзін^[2].

25 снежня 1962 года населеныя пункты Баравая, Вялікі Рожан, Добрая Лука, Красныя Хутары і Новы Рожан Чудзінскага сельсавета перададзены ў Любанскі раён Мінскай вобласці^[3], 27 снежня 1962 года яны ўвайшлі ў склад Чырвонаслабодскага пассавета.

28 лютага 1964 года Рожанскі сельсавет утвораны зноў у складзе Любанскага раёна Мінскай вобласці з 5 населеных пунктаў (Баравая, Вялікі Рожан, Добрая Лука, Красныя Хутары і Новы Рожан), якія знаходзіліся ў адміністрацыйным падпарадкаванні Чырвонаслабодскага пассавета^[4]. Цэнтр — вёска Вялікі Рожан. З 6 студзеня 1965 года ў складзе Салігорскага раёна. У 1976 годзе скасавана вёска Красныя Хутары^[5]. Скасаваны 29 снежня 2009 года, тэрыторыя далучана да Чырвонаслабодскага сельсавета^[6].

Насельніцтва

Насельніцтва сельсавета паводле перапісу 2009 года — 985 чалавек^[7], з іх 97,5 % — беларусы^[8].

Склад

На момант скасавання ў сельсавет уваходзілі вёскі Баравая, Вялікі Рожан, Добрая Лука, Новы Рожан.