Рожнява

Рожнява (славацк.: Rožňava, ням.: Rosenau, венг.: Rozsnyó) — горад у Славакіі на рацэ Слана ў Славацкім Рудагор’і. Насельніцтва каля 19 тыс. чалавек.

Горад Рожнява Rožňava Герб Сцяг Вартаўнічая вежа Краіна  Славакія Статус Раённы цэнтр Край Кошыцкі край Раён Раён Рожнява Каардынаты 48°40′ пн. ш. 20°32′ у. д.HGЯO Заснаваны 1230 Першая згадка 1291 Горад з 1382 Плошча 45,6 км² Вышыня цэнтра 313 м Водныя аб’екты Слана Насельніцтва 19 120 чалавек (2006) Шчыльнасць 388 чал./км² Нацыянальны склад славакі (69 %), венгры (27 %), цыгане (2 %) Канфесійны склад каталікі (41 %), лютэране (12 %), грэка-каталікі (1,3 %) Часавы пояс UTC+1, летам UTC+2 Тэлефонны код 0 58 Паштовы індэкс 048 01 Аўтамабільны код RV Афіцыйны сайт roznava.sk (славацк.) Рожнява на карце Славакіі

Медыяфайлы на Вікісховішчы

Гісторыя

Рожнява ўпершыню згадваецца ў 1291 як невялікае паселішча шахцёраў, якія здабывалі золата і серабро. У 1382 годзе кароль Людовік I Вялікі даруе Рожняве гарадскія правы. У XVI-XVII стагоддзях Рожнява падвяргаецца шматлікім нападам туркаў і ўваходзіць у паласу заняпаду. XVIII стагоддзе прыносіць паляпшэнне сітуацыі і так Рожнява становіцца важным гандлёвым цэнтрам Гемера.

Славутасці

• Шахцёрскі музей

У двары музея знаходзіцца адзін з трох самых старых у свеце паравых каткоў, 1883 года выпуску, выраблены ў Брытаніі фірмай «Aveling & Porter»^[1]. Два іншых падобных машыны знаходзяцца ў нарвежскім Осла і брытанскім Нотынгеме

• Ансамбль галоўнай плошчы
• Гатычны кафедральны сабор Св. Марыі
• Езуіцкі касцёл
• Касцёл Св. Ганны
• Лютэранская кірха
• Кальвінісцкая царква
• Вартаўнічая вежа
• Палац біскупа
• Ратуша
• Замкі Бетліяр і Красна Гуорка непадалёк

Гарады-пабрацімы

•  V раён Будапешта^[d], Венгрыя
•  Бачка Топала^[d], Сербія
•  Гларус, Швейцарыя
•  Серэнч^[d], Венгрыя
•  Цешын, Польшча
•  Чэскі-Цешын, Чэхія

Зноскі

1. Banícke múzeum v Rožňave. Parný valec.