Рудзіца

У гэтага тапоніма ёсць і іншыя значэнні, гл. Рудзіца (значэнні).

Рудзі́ца^[1] (трансліт.: Rudzica, руск.: Рудица) — вёска ў Пухавіцкім раёне Мінскай вобласці. Уваходзіць у склад Шацкага сельсавета.

Вёска Рудзіца Краіна Беларусь Вобласць Мінская Раён Пухавіцкі Сельсавет Шацкі Каардынаты 53°15′24″ пн. ш. 27°50′23″ у. д.HGЯO Насельніцтва ▼4 чал. (2019) Часавы пояс UTC+3 Тэлефонны код +375 1713 Аўтамабільны код 5 Рудзіца на карце Беларусі ±

Гісторыя

У сярэдзіне XIX стагоддзя вядомы бор Рудзіца^[2]. Краязнавец Аляксандр Ельскі апісваў Рудзіцу як лясное ўрочышча паміж балотам Селец і ўрочышчам Гарэлы Луг, якое належала да маёнтка Шчыткавічы Радзівілаў, а не другую палову XIX стагоддзя спадкаемцаў Льва Вітгенштэйна^[3].

Населены пункт вядомы з XX стагоддзя як урочышча ў Амяльнянскай воласці Ігуменскага павета Мінскай губерні.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. Жыхары Амяльнянскай воласці накіроўвалі звароты ў Народны Сакратарыят Беларусі са скаргамі на дзеянні нямецкіх акупацыйных улад^[4]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. У 1926 годзе было 16 двароў^[5].

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Да 29 чэрвеня 2006 года вёска ўваходзіла ў склад Селецкага сельсавета^[6]. З 2006 года па 28 траўня 2013 года ў складзе Вецярэвіцкага сельсавета^[7].

Насельніцтва

• 1908 год — 9 двароў, 46 жыхароў
• 1917 год — 14 двароў, 81 жыхар, усе беларусы^[8]
• 2002 год — 7 двароў, 10 жыхароў
• 2009 год — 5 жыхароў^[9]
• 2019 год — 4 жыхары^[10]