Рыгор Аляксеевіч Дзямко

Рыгор Аляксеевіч Дзямко (нар. 13 сакавіка 1946, в. Вялікае Малешава Столінскага раёна Брэсцкай вобласці) — беларускі палітык. Заслужаны работнік сельскай гаспадаркі Рэспублікі Беларусь.

Рыгор Аляксеевіч Дзямко
Нараджэнне	13 сакавіка 1946(1946-03-13) (79 гадоў) Вялікае Малешава, Азданіцкі сельсавет, Давыд-Гарадоцкі раён, Пінская вобласць, Беларуская ССР, СССР
Адукацыя	Беларуская дзяржаўная сельскагаспадарчая акадэмія
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыў Беларускую сельскагаспадарчую акадэмію, вучоны аграном. Працоўную дзейнасць пачаў аграномам калгаса «40 гадоў Кастрычніка» Столінскага раёна Брэсцкай вобласці. Пасля службы ў радах Узброеных Сіл працаваў галоўным аграномам упраўлення сельскай гаспадаркі Брэсцкага аблвыканкама, намеснікам старшыні калгаса «40 гадоў Кастрычніка», старшынёй калгаса імя Кірава, старшынёй сельскагаспадарчага вытворчага кааператыва «Фядорскі» Столінскага раёна Брэсцкай вобласці.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга склікання^[1].

Узнагароды

Узнагароджаны ордэнамі Працоўнага Чырвонага Сцяга, Айчыны ІІІ ступені, медалямі «За працоўную доблесць», Ганаровай граматай Нацыянальнага сходу Рэспублікі Беларусь^[2].

Зноскі

1. ДЕМКО ГРИГОРИЙ АЛЕКСЕЕВИЧ Архівавана 7 жніўня 2019.
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.