Рыкарда Санчэс

Рыкарда Санчэс (ісп.: Ricardo Sánchez, нар. 9 верасня 1953, Рыа-Грандэ-Сіці, Тэхас, ЗША) — генерал-лейтэнант арміі ЗША лацінаамерыканскага паходжання, камандуючы кааліцыйнымі войскамі ў Іраку з чэрвеня 2003 па чэрвень 2004 года.

Рыкарда Санчэс
Дата нараджэння	9 верасня 1953(1953-09-09) (72 гады)
Месца нараджэння	Рыа-Грандэ-Сіці, Стар (акруга), Тэхас, ЗША
Альма-матар	Тэхаскі аграрна-механічны ўніверсітэт у Кінгсвіле
Грамадзянства	ЗША
Род войскаў	Армія ЗША
Званне	генерал-лейтэнант[d]
Бітвы/войны	Вайна ў Персідскім заліве Іракская вайна
Узнагароды і званні
Медыяфайлы на Вікісховішчы

Санчэс атрымаў дзве вышэйшыя адукацыі — па матэматыцы і гісторыі. Падчас вайны ў Персідскім заліве (1991) камандаваў батальёнам. З’яўляўся самым высокапастаўленым амерыканцам іспанскага паходжання ў арміі ЗША да свайго сыходу з Узброеных сіл 1 лістапада 2006 года. Пакінуў войска пасля скандалу ў турме Абу-Грэйб, калі стала вядома, што амерыканскія вайскоўцы катавалі зняволеных^[1].

У 2005 годзе праваабарончая арганізацыя «Амерыканскі саюз за грамадзянскія свабоды» апублікавала службовую запіску Санчэса ад 14 верасня 2003 года. У дакуменце генерал дазваляў выкарыстанне некаторых метадаў допыту, якія, на думку юрыстаў Амерыканскага саюза грамадзянскіх свабод, парушалі Жэнеўскія канвенцыі^[2].

Зноскі

1. CBS-News
2. Терехов А. Новый скандал вокруг Пентагона // Независимая газета, 31 марта 2005