Рык (карная аперацыя)

Аперацыя «Рык» (ням.: Unternehmen Brüll) — кодавая назва карнай аперацыі нямецкіх войск супраць партызан і мясцовага насельніцтва на граніцы Брэсцкай і Валынскай абласцей (Маларыцкі і Ратнаўскі раёны) 21—25.5.1944.

Аперацыя «Рык»
Асноўны канфлікт: Другая сусветная вайна, Вялікая Айчынная вайна
Дата	21—25.5.1944
Месца	Маларыцкі раён Брэскай вобласці БССР, Ратнаўскі раён Валынскай вобласці УССР
Прычына	Прысутнасць узброеных савецкіх партызанскіх падраздзяленняў у тыле групы армій «Цэнтр»
Статус	аперацыя завершана
Праціўнікі
Трэці рэйх:  СССР:
Сілы бакоў
часці 2-га венгерскага каралеўскага рэзервовага корпуса, * 33-і пяхотны полк, * 66-ы танкавы ўзвод, * іншыя падраздзяленні частка сіл партызанскай брыгады «За Радзіму» імя А. К. Флегантвава
Страты
45 забітых, 199 параненых загублена больш за 350 партызан і цывільных грамадзян

Ход аперацыі

Баявыя дзеянні паміж часткай сіл партызанскай брыгады «За Радзіму» імя А. К. Флегантава і часцямі 2-га венгерскага каралеўскага рэзервовага корпуса, 33-м пяхотным палком, 66-м танкавым узводам і іншымі падраздзяленнямі вермахта адбываліся ў прыфантавой палосе на паўночным усходзе ад гарадскога пасёлка Шацк (Ратнаўскі раён) і вакол возера Арэхаўскае. У раёне аперацыі карнікі загубілі больш за 350 партызан і цывільных грамадзян, захапілі больш за 1600 чалавек для выкарыстання на абарончых работах у прыфрантавой палосе і адпраўкі ў Германію, вывезлі каля 3300 галоў буйной рагатай жывёлы, 780 коней. Праціўнік страціў 45 чалавек забітымі і 119 параненымі.