Рэзеда пахучая

Рэзеда пахучая^[1], Рэзеда духмяная (Reseda odorata) — від кветкавых раслін роду Рэзеда (Reseda) сямейства Рэзедовыя (Resedaceae).

Рэзеда пахучая
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Рэзедовыя Род:  Рэзеда Від:  Рэзеда пахучая
Міжнародная навуковая назва
Reseda odorata L. (1759).
Сістэматыка на Віківідах Выявы на Вікісховішчы ITIS   504739 NCBI   415819 EOL   487605 IPNI   715569-1 TPL   kew-2526127

Батанічнае апісанне

Аднагадовая травяністая расліна, якая дае галінастыя прамыя сцёблы да 80 сантыметраў вышыні. Суквецце прадстаўляе сабой каласападобную гронку з многіх кветак. Духмяная кветка мае шэсць ад белых да жаўтлявых або зеленаватых пялёсткаў, верхнія з якіх падзяляюцца на тры вузкіх, пальцападобных дзелькі^[2]. У цэнтры кветкі размешчана каля 25 тычынак, на верхавінах якіх размешчаны буйныя ніцыя аранжавыя пылавікі.

Арэал

Паходзіць, верагодна, з Міжземнаморскага басейну, але часам яго можна сустрэць у дзікай прыродзе, як інтрадукаваны від у многіх частках свету^[3].

Значэнне і выкарыстанне

Расліна здаўна вырошчваецца ў якасці дэкаратыўнай расліны з-за яе духмяных кветак, эфірны алей якіх выкарыстоўваецца ў парфумерыі.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 110. — 160 с. — 2 350 экз.
2. UC/JEPS: The Jepson Manual: Higher Plants of California (нявызн.). Праверана 7 чэрвеня 2018.
3. Flora of North America